ابنة صديقتي وشخصيتها

السلام عليكم ورحمة الله وبركاته انا اليوم جايبه لكن سالفه بنت صديقتي من زواجها الاول البنت في الصف الرابع لعابه وشقيه وطيبه في نفس الوقت ومن الناس اللي حظها مع الخلق زيرو. يعني اي مصيبه تتحط ع راسها امها تزوجت واخذتها معها بس البنت جالسه تقارن بين وضعها وبين وضع بنات الخالات وبنات اخ الرجال اللي متزوجته امها في البدايه امها تقول ماكنت اهتم لزعلها لانها لعابه واحس ان البنت تستعبط علي تسوي نفسها زعلانه الى ان زعق عليها زوج امها عشان كانت بتقطع الشارع والسيارات رايحه جايه وشارع عام وردة فعل انه صرخ الا لما رجعو البيت قعدت تبكي وتقول لامها انا مااشوف الاباء يهاوشون بناتهم وعمي ليش يصرخ عليه امها تحاول تفهمها انه من مصلحتها بس مو متقبله الفكره بالاخير قالت انا احس واحب نفسي وازعل من الكلام ودايم متحسره لو كانت عند ابوها ايش راح يكون وضعهم مع ان ابوها مسافر الخارج ولاهمه البنت ولاحاجه بس متامله في ابوها اكثر من اللازم وزوج امها مهما كان طيب وحنون مع البنت الا يبين تفضيل اولاد عيلته عليها واحيان يرمي كلام اذ ضربت احد من عيال عيلته ع البنت المهم امها قالت جلست اكلمها انه من مصلحتها وان اذ احد زعلك او رماك بتهمه بري نفسك حتى مايمسكوها عليك بس البنت مو فاهمه قالت اصلا حتى انتي ضدي مع الناس وامها تقول بالفعل صرت احس الناس ضدها حظها معهم مش ولابد والعالم متقصدها والبنت فوضويه ولعابه كيف تطور من شخصيتها تخليها ماتهتم بااراء الناس تقتل المقارنه اللي ذابحه بنتها وتعيشها بجو اسري حتى لو كانت هي البنت وزوج الام مفروضين ع بعض بدون اي تدخل من اي طرف ثالث تطوير منها لبنتها وشكرا >>امانة طلبت مني الاستشاره ماعرفت ارد عليها قلت لها عادي اكتبها بالمنتدى مارفضت واتمنى انه احد يفيدها