ابنتي المراهقه اتعبتني

السلام عليكم ياحوائيات
ابغى نصائحكم
انا عندي بنت مراهقه تعبتني ..طول اليوم على الموبايل والانترنت 
عصبييييه وعنيده والي اكبر من هذا تستحقرني تعاملني كاني بنتها الصغيره ..اذا تكلمت استخفت فيني ..مثلا لو اقول لااختها قمتي من النوم تضحك ضحكت استهتار وتقول وراه شايفتها تمشي وهي نايمه مثلا ..بعدين تعطيني ظهرها وتمشي هذا موقف من المواقف الكثيره ..اسلوب يرفع الظغط احيانا ودي اضربها كف بس امسك اعصابي ..موبايلها دايما مقفل وقد طحت لها على سوالف ماسخه هي وصديقاتها وضربتها ضرب من دون شعور سوالف وش اقول بس..بعدها اخذ ت عليها عهد ماتمسك موبايل الا تعلمني الرقم السري له التزمت فتره وبعدها بدت طولة اللسان  وانا كبيره وليش هالاسلوب وانا حره وكيفي بنظرات حقد ..قلت اخليها ماودي اضيق عليها واشد بعدين اكتشفت ان واحد من اولاد عمتها يراسلها ويطلب منها ارقام بنات وطحت بالصدفه ..المشكله انها ماتعلمني بشي كتتتتومه ..جننتني البنت هاذي كل شي يهون الا قلت ادبها معاي ..تراها هي مو كبيره اول متوسط ..لكن ماادري ليه حركاتها كذا..احس بديت اكرهها من اسلوبها ..تبي تحيني وحده وتقول سحبي الموبايل منها لو اسحبه سوت فلم هندي واستجنت