انا من بريدة وعائله معروفه ولكن من سكان الرياض بصراحه

وقسمي مختبرات طبية / كيمياء , احياء

ولكن بقولك شغله احنا بزمن غير كل حاجه تغيرت وتطورت ولا تقولي تعنس وتصك على خواتها ترا مو زين الكلام ذا وبعدين اللي يجي نصيبها خل تتوكل على الله

ممكن تدخل قسم مافية اي اختلاط وربي مايكتب لها الزواج
يعني مافيه شي مربوط بحاجه وبعدين القصيم مو ذك الاختلاط الكبير وبتتوظف بمكان كله نساء وربي بيوفقها والبنت اللي تحافظ على نفسها مهما كانت و وين
وانتي اعطي بنتك الثقه وادعي لها بالستر والتوفيق
ولا تسوي شي ممكن تندمي عليه بكره انصحيها بس بدون ضغط لانه بكره اي شي بتجي تحملك المسؤلية
وربي الام مسوليتها كبيرة وربي يرشدك لصواب

في الزمن هذا الوظيفة اهم من الزواج

مرحبا حبيبتي :)
انا من القصيم ونفس التخصص حمدالله .... والحمدالله على وشك زواج وكثير بنات بتخصصي متزوجات وعندهم أولاد إذا هذا اللي مخوفك ....

وغير كذا المختبرات الطبيه تخصص ممتع جداً لدرجه تفوق الوصف ، أما مستقبله الوظيفي موشرط مستشفى واختلاط فيه أكثر من وظيفه للتخصص وبإمكانك البحث عنها بقوقل ، وبامكانها تجيب معدل بنتك وتكمل الماستر والدكتوراه وتشوفينها دكتوره بالجامعه ان شالله ..

ورجاءً لانحطمين بنتك افتخخخري فيها غيرها يتمنى هالتخصص ولا حصله خصوصاً الناس اللي بيجونك ويقولون اختلاط وماختلاط أو قرف وتخصص غبي .... لاتعطينهم مجال تحطمين طموح بنتك كوني معها وشجعيها وبكل مجلس او جمعه أقارب افتخري فيها وتكلمي عن طموحها وعن اعتزازك فيها ... وكوني معها خطوه بخطوه بكره بترفع راسك صدقيني ...

ومسألة الاختلاط أعتقد أنها نظرة جهله حنا وصلنا لزمن الاختلاط بالنت اللي مااعتقد فيه بنت ماتدخله بس كل شخص له نظرته وهدفه بالحياة .... مادمت بحجابي وبخلقي ورايحه اشتغل مو اتمشى او اغير جو ، وطبعا شغل المستشفى مو أي شغل فيه مسؤوليه وأمانه تخلينا ننسى أي موضوع ادعاه أحد الجهله :)

وطبعا دراسته صعبه انا شخصياً مايمر يوم الا اذاكر بس حمدالله متفوقه وسعيده بفرحة أمي وأبوي بتفوقي ....



عباره آخيره ...
الطموح هو آن تسلك مساراً يسخر منه الكل ثم تخرج بنتيجه لم يصل لها اهم :)
والزواج والدراسه مستقبل مهم بس دراستي اضمنها لكن الزواج فلااا


والله يوفق بنتك :)

وش دخل دراستها بنصيب خواتها
الله يهديك

حبيبتي انتي :)
أولاً اسمها مختبرات طبيه ..
ثانياً : المختبرات الطبيه بالمستشفى سبع أقسام بإمكان الموظف اختيار أي قسم منها .. وطبعاً اكثرها عمل وحاجه قسمي تحليل الدم وبنك الدم ومن أسهلها قسم اليوراين والستووول ( البول والبراز )

ثالثاً ؛ القسم ليس بأسوء قسم فكوني أتعامل مع عينات هي أساس أكتشاف المرض وأساس صنع الأدويه للأمراض ومسببات الامراض من انواع البكتيريا والفايروسات لمعرفة الوقايه منها ، هذا يعني أنه أساس وجزءء لايتجزء من أساسيات المحافضه على صحتك عزيزتي ...

رابعاً : كوني أتعامل مع عينات أفضل من تعاملي مع المرضى ومقابلة جهلة المجتمع وكثرة الكلام فاختلاطه اقل من غيره من التخصصات

تخصص المختبرات أفضل تخصص بنظري ...