ابنك او بنتك يعانون من تأخر النطق تعالي ندردش شوي

السلام عليكم ورحمة الله وبركاته
ادخل بالموضوع مباشرة
بنتي عمرها سنتين وثلاث شهور ويادوب تنطق ست كلمات ومو واضحه بعد ..
ماتركز معاي كثير وارردد الكلام وماتردد وراي طبعا الكل لاحظ والكل يسأل (( ليه بنتكم ماتتكلم :( ))
مع ملاحظة انها البكر والوحيدة ..
زنيت على راس ابوها لحد ماقتنع انه هذا الامر مو طبيعي ووديناها لدكتور في جده بمركز علاج الي بأبراج البدرية اسمه اشرف وهو مصري واخصائي تخاطب وانف واذن وحنجرة (( ياطول العنوان )) :42:
الجلسة الاولى اتفق معانا انها تعاني تاخرنطق وقال المفروض انها تنطق جملة من كلمتين بالعمر هذا فحصها بالمنظار وقال السمع سليم والحنجرة والاحبال الصوتية وسقف الحلق كله سليم وقال دامنا اطمأنينا انه مافيه شي عضوي لازم نبدأ معاها جلسات تدريبية واولها
جلسة طرح فيها علي انا وابوها اسئلة يقول انها نظام اختبار عالمي وهي كثيرة من ضمنها
ولادتها طبيعيه .. هل اكلتي ادوية خلال الحمل .. فهمها مناسب لعمرها بتصوركم .. ايش تحب وايش تكره .. ايش يفرحهاوايش يزعلها .. ملتصقه فيكم وتتعرف عليكم ولالا.. اجتماعية ولالا.. عانت من مشاكل صحيه قبل ولالا.. متى مشت ؟.. ((تأخرت بالمشي سنه وست شهور*))... مالهاحركة معينه مداومه عليها ..المهم اسئلة كثيرة ماتحضرني الحين ..
الجلسة الثانية اختبار لقدراتها عبر العاب ذكاء .. (( حلقات ومكعبات وحركات شفت ان بنتي فشلت في فهمهابسرعه لانه يادوب تفهم اللعبة تمل وترميها )) ..
الجلسة الثالثة طلعت انا وابوها برا الغرفة وجلست مع الدكتور لوحدها ومادري وش صار :)
المهم بعد هاذي الجلسة شخص حالتها انه تاخر بالقدرات يعني تقريبا فهمها متأخر سنه عن عمرها
السبب (( والله مادري )) .. بس الحمدلله العلاج موجود
بس قال اهم شي انكم جبتوها بدري لانه في العمر سهل ندربهاعلى الكلام ونسوي لها جلسات اول شي
جلسات في تعديل السلوك لانها عدوانية وعندها زياده نشاط بنسبة بسيطه
جلسات في تنميةالقدرات
جلسات في التدريب على النطق
وقال المهم الآن أثناء الفطور والغداءوالعشاء تكررين لها الاكل الي قدامها ثلاثين او اربعين مره عشان تحفظه لانها حتى لو مارددت تفهم انه الكلمةهاذي معناها الي قدامها ..
يعني اذا شافت البيض تعرف انه بيض حتى لومانطقت الكلمة ..
وخصصي لها ثلث ساعه او ربع ساعه العبي فيها وحاولي ترددين اسماء الالعاب كثير
لاتكثرين الكلمات حتى مايتشتت ذهنها ..
الحزم ثم الحزم في معاملتها يعني لارجعه في الكلام حتى لو بكت وزعلت ورمت الاشياء اتركيها الحدماتهدأ من حالها ..
الشيء الطيب شجعيها عليه والشيء السيء خاصميها بصوت عالي بدون ضرب ..
اليوم ان شالله او جلسة في تعدييل السلوك ..
ابغى منكم الله يعطيكم العافية الي عندها طفل يعاني نفس المشكلة او مشابهه او مرت في هالتجربة انه تدردش معنا وتخبرنا كيف تخطتها وايش النصايح الي تنصحونني فيها .. لاني قرأت ان المسجل مفيد بس مادري هو مناسب لعمر بنتي ولالا؟؟
واتمنى انكم تتفاعلون لانه موضوع مهم وعليه يتوقف مستقبل طفل

ولي رجعه بإذن الله :26: