أنا برأيي المسأله كلها متعلقه بالتوفيق
في الزواج الأول ما توفق ولدك و واجه مشاكل مع زوجته وتدخلتو وتدخلو أهلها
بلا فايده وذكرتي إنها ماتحترمه وحصل الطلاق وهذي حاله طبيعيه وممكن تحصل
مع كثير من الناس إذا إنعدم الإحترام إنعدم إستمرار الحياه ........

والزواج الثاني برضو ماتوفق وقدر الله وشاء إنه البنت ماتحبه والحب والموده
من الله يا قلبي لو يجيب لها لبن العصفور ومابقلبها موده له لا يمكن بتتقبله !!!!
وياما ناس تطلقو والسبب إنعدام المحبه والموده بين الزوجين وفيه من كملو حياتهم
مجامله .....
لذلك إذا ولدك والبنت مو قادرين يستمرون مع بعض فالأفضل الطلاق قبل يرزقون
بأطفال ويشتتونهم !!
وبعد كذا لاتزوجين ولدك على طول خليه ياخذ فترة نقاااااهه بعد هالتجربتين
ويكون إختياركم للعروسه دقيق من كل النواحي وفترة الملكه والتعارف برضو
تكون طويله حتى يتعرفون على بعض أكثر ويفهمون بعض
الله يكون بعونك ويوفقه
ويالي تلومون الأم وتتهمونها بالتدخل ياليت تدققون شوي بكلامها
الحرمه جايه تشكي لنا الوضع ما قالت إنه حنا نمشيه على كيفنا !!!!!!
هي تسأل عن الحل هل يطلقها ولا يتحملها ماسيطرت عليه وفرضت رايها عليه
تبي تشاور وتشوف حل لمشكلة ولدها هذا مايعني إنه ممشيه ولدها على كيفها !!!!!!
ولي تقولون يمكن البلا بولدك وتتهمون الولد لييييه ممكن بعد يكون الولد هذا نصيبه
وهذا قدره إلي كتبه الله له يعني حصله مشكله مع زوجاته الثنتين وكل مشكله
تختلف تماااااااما عن الثانيه صارررر البلاء من الولد !!!!!!!!!!!!!

من ردك فهمت شي والله اعلم اذا صحيح

شكله احد معطيها دروس انه الزوجه ماتقوم بشي لزوجها ولاتصيرين مثل الخدامه عنده يعني من هالكلام اللي منتشر هذي اليومين الي يقولون مو من حقوق الزوج انها تغسل له او تخدمه وهيه داخله تبغا تفرض شخصيتها على الولد والله اعلم وكلها تحليلات من عندي ممكن تكون صحيحه وممكن لا

غير كذا جوالها اتوقع براحتها تقفله تخليه مو معناته قافلته معها بلا فيه ويحق لها يكون لها خصوصيه مع اهلها وصديقاتها وضحي هذي النقطه لولدك تنه ماله اي دخل بجوالها واذا على سهرتها على الجوال للفجر كلنا في هالزمن مع الواتس وغيره نسهر للفجر نسولف فيه بقروبات اهالينا ومع اخواتنا وصديقاتنا وبنات اعمامنا يعني اتوقع مو مشكله حريم لهم سنين متزوجات واولادهم كبار ويسهرون على الواتس وغيره في الهواتف الذكيه اهم شي ولدك لايشك فيها وانتي فهميه انه ماينفع يفرض عليها شي بخصوصيتها ويحترمها وممكن اللي مضايقها ولدك مضيق عليها وممكن يشك والله اعلم لانك تقولين مر بتجربه سيئه مع اللي قبل حاولي تفهمين ولدك لايقارن زوجته الثانيه بالاولى وانه تصرفاته ممكن تسويه اي زوجه صغيرة سن ولاكبيره ومعها اولاد متزوجين

الله يصلح حالكم يارب
..............................

الله يصلح حالهم ويعينهم علي الحياه

يارب يعينك ويعيننا على هذا الجيل كان بنات او اولاد
يارب يكتب لكم الخير
انتى ام ادعى لولدك واستخيرى له والله يعينكم
ولو استدعى الامر تجلس فترة عند اهلها تفكر وهو كذلك وعسى ربى يوفقهم للصالح