يا سلام يبغى يفتش جوالها ويشك !!!!

أكيد بتنفر منه

هي حره بجوالها عيب هاذي خصوصيات وانتي حرمه كبيره وعاقله المفروض تفهمين ولدك يلزم حدوده
وان لكل شخص خصوصيات يمكن فيه صور أخواتها وأهلها ومحادثات بينهم وهي حره بوقتها كيف تقضيه


وانتي إيش دخلك بينهم وليش عارفة بمشاكلهم

ولدك يعلمك بكل شي معليش هاذي مو حركات رجال

وايش اللي اخليه يطلقها !!!

واضح من كلمتك هاذي أنكم تتحكمون بحياته وتقررون عنه

اتقي الله في ولدك و زوجته

ومبين زي الشمس أن ولدك ما عنده أسلوب تعامل نهائي وينقلك كل الهرج والمشاكل اللي بينهم

اكره هاذي النوعية ومعليش كلام البنات صحيح لا تتدخلون بحياتهم هم يتفاهمون

يااختي لاتخلين ولدك يتعود على سهوله الطلاق
كلمه اخليه يطلقها ترى مو سهله ولو سمعك تقولينها بيستسهل الموضوع
واكبر غلط سويته رحتو تزوجونه مباشره بعد طلاقه المفروض تركتوه سنتين ثلاث اربع لين يعزم ويكون فعلا يبي زواج مو عشان ينسى الاولى وهو متعلق فيها مثل ماتقولين ونزوجه
يمكن الثانيه فيه شي بنفسها عليه وحاسه انه يحب الاولى ومانساها ويمكن فعلا ماتقبلته واهلها غصبوها عليه ويمكن ولدك ماعنده شخصيه وتشوفه معتمد عليكم بكل شي وانتو الي تمشون حياته وصارت ماتحترمه ولا تحسب له حساب الاسباب كثيره خلوهم براحتهم يحلون مشاكلهم
ونصيحه لا تتدخلون بشي لا انتي ولا ابوه لمصلحته اولا واخيرا
زوجتوه مرتين خلاص معناها بنظركم صار رجل مسؤول يتحمل مسؤولية زواجه ومشاكله مع زوجته ويحلها فيما بينها وبينه بدون اي تدخل من احد عشان ما يلومكم بعدين
لو طلق الثانيه بيتزوج الثالثه وعلى ابسط سبب بيطلق وهلم جر المفروض يحاول قد مايقدر يحل مشكلته معها ويفهم هي وش تبي وليه تسوي كذا ويتركها فتره عند اهلها اذا طلبت وبدون طلاق لان مو كل يوم له زوجه

واضح البنت مدلعه حيل ومو حقت زواج ....يبغالها تربيه من جديد ..شكلها مسيطرة علا امها من يوم طلبت الام خمس الاف !!! عشان ايش يعني ..وش سوا ؟ ضربها مثلا ..
المهم لا تجيبون طاري الطلاق .. يمكن التهديد بزواج الثانية ينفع ..طبعا تهديد فقط مو يسويها صدق ويخرب ام الشغله !!
اصبرو لحد ماتعقل دامكم زوجتوهم صغار تحملو ( بهالزمن يعتبرون صغار مو مثلنا ) .. الحين شباب الثلاثين يادوب يتحملو مسؤليه الزواج والمصاريف .. وبعضهم مايعرفون يحلون مشاكلهم ..
ونصيحة مهمه لا تحمل بدري الين تنحل الامور وتعرفون تنفع لولدكم ولا لأ

ياللاسف وش رايكم انا طلبت انهم ينتقلون وقلت هالكلام لامها بس تدرون وش ردت قالت لاوالله تبين بنتي تعيش مع ولدك ويستفرد فيها
بعدين في شي ماوضحته لكم انها لما كانت عند اهلها كانت تراسلني وميته تبي ترجع بس متردده والسبب خواتها الي يقولوا لها ان راتبه قليل وانه مايستاهلك بالاول قالوا لها اطلبي بيت ولما رضينا بهالشي قالوا لها اطلبي رضاوه ولا لاترجعين ولما رفض وقال ماغلطت عليك قالوا لها شفتي كيف انه مايحبك كانوا يبون يذلون الولد باي شكل
بعدين ولدي مو صغير عمره 25 س وهي اكبر منه ب8 ش بس من مدح اهلها لها بالخطبه اخذتها لولدي
ورب البيتانا حاولت بكل مااقدر اني اقربهم لبعض ، كلمتها ونصحتها واما ولدي قلت له لازم تصبر عليها البنت جديده على الحياة وراح تتعود عليك بس هي للاسف مو معطيته وجه حتى يثبت لها حبه لها
اما لجوءه لنا فهي السبب لانها مو تاركه له مجال للتفاهم وقلت ماجلس معاها قالت مافي تفاهم بيننا وانت اصلا تبي المشاكل مما اظطره انه يلجأ لنا من القهر ولانه احتار ماعرف كيف يتعامل لها

في عدة نقاط حابة علق عليها
أولها خصوصية السالفون
أغلب المشاكل اللي بتعرض بقسم الحياة الأسرية نساء بيشتكو من أزواجهم إنو حاطط باسوورد للجوال وشاكه فيه إنو بيكلم بنت من وراها فمنو من المعقول إنو اتضايق وأعترض على شي وارجع أوقع بنفس الغلط
احترام الخصوصية منو معناتو إني أقفل على نفسي من كل الجهات احترام الخصوصية إنو خلي الطرف التاني يوثق فيني وما يضطر إنو يتتبع خطواتي وينبش ورايي أما إني اتصرف تصرفات تثير الشك حولي فلا بد هالشي بيستفز الطرف التاني
حابة اسألك سؤال ذكرتي إنو البنت منا متقبلتو هل شكلو منفر مثلا ؟
من حديثك تبين لي إنو ابنك ضعيف الشخصية وضعف الشخصية عكسو منو الضرب والإهانة
قوة الشخصية إنو تئدر تستعمل الحزم بالمكان والوقت المناسب
واضح إنو البنت منا قد المسؤولية مع إنو سنها كبير يعتبر وواضح إنو في حدا عم يلعب براسها وبدل ما يحثها على إنا تكون زوجة صالحة عم يعبولها راسها ويخربولها بيتها
اذا البنت موجودة ببيت أهلها وحاولت تتصل فيكي قوليها عندك زوجك تفاهمي معو وبلا رضاوة وبلا سفر لأن رح تاخدها سيرة وكل يومين والتالت حردانة عند أهلها وتعا راضيني
وفهمي ابنك يكون رحيم وحازم معها يفهمها إنو متل ما هوا مطلوب منو اسعادها هيه المفروض تدور رضاه ومتل ماهوا عم يصرف عليها المفروض تهتم فيه وببيتها
وإذا ضلوا ساكنين معك بالبيت لازم يكون لها حصة الشغل بما إنها فرد من أفراد الأسرة منها جالسة بأوتيل قسموا الشغل بينكن