نور الهداية ,,,999 @nor_alhday_999
عضوة جديدة
ابوي ماااات راح الغالي تدرون يعني ايش ابوي مات
صباح الخير اخواتي مخنووقه وابي افضفض لكم احناعايله مبسوطه وعايشين ولله الحمد في صباح ذاك اليوم ابوي وصلى ركعتين الضحى كعادته وطلع ماانتظرناه لانه وقتها كان صايم لوجه الله في عصر ذاك اليوم مر مثل كل يوم بس فجاه يندق الباب افتح الاقي عماتي وكانو منهارات وماندري وش السالفه فجاه امتلئ البيت عماتي بنات عمي الكل جاء طيب ليه جاو فجاه وش يبون طيب يمكن زيارة طيب ليه عمتي منهاره وتبكي طيب وش صار وفجاه يصعق بيتنا بخبر الى الان مو مستوعبينه ابوكم ماااات في الوقت الي كانت عمتي منهاره وتقول راح اخوي راح سلمان انا اقول وش يقولون لااا اكيد لاا قبل شوي كلمني يقول بيجي قبل الاذان ويبي افطاره جاهز طيب انا قاعده اجهز افطاره سويت له السمبوسه بالفرن مثل مايحبها وجهزت قهوته اليوم مثل كل يوم يجي وبيجلس معانا وبيسولف وبنضحك طيب هم يقولون مااات وفي عز صدمتي اسمع اختي الصغيره صراااخها مالي البييت وتقول طلعوهم كذابين طلعوهم ابوي ما مااات وبنات عمي يهدونها واسمع اختي شوق تبكي ومنهاره وانا اعرفها شوق ماتطلع دمهتها بسهوله ليه منهاره كذا امي ايه امي وينها ابيها امي الي كان يمزح معاها يقول بعرس عليك تقول له خذ عشر من الحريم وانت سالم وبخير ماهمها يتزوج عليها همها يكون بينا وبخير هي وينها امي وينها كانت واقفه في طرف الغرفه وعينها علي ودمعتها على خدها ماكانت منهاره لاا كانت تدعي تقول ياااااااااااارب اجرنا في مصيبتنا طبعا بما اني الوحيده من اخواتي الي مصابه بمرض نادر واتعالج باستمرار فكانت عينها علي خايفه علي من الصدمه انا وقتها بدا شريط حياتنا ينعااد براسي ابوي سوالفه عصبيته زعله متى ينام وش يحب يفطر كل شي بداء ينعااد وهنا بدىىت انا بالانهياااااااااار الصراخ البكاء لشديد وامي حاضنتني تهديني تصورو امفروض هي كمان تنهار ويهدونها بس هي صبووووووره وكانت حاضنتني ودمعتها بعينها وتسمي علي وتهديني لدرجة انهم اخذوني على المستشفى اصبت بتشنج بالاطراف من كثر الانهيار وصلت لمرحله ماكنت اقدر احرك اصابع يدي و احرك ايديني رحت المستشفى واعطوني ابر مهدئه ولما رحت اخوي الي اخذني للمستشفى وكنت بالطريق بالسياره ابكي واقول تكفي يانايف راح ابوي يانايف راح ابوي وكان هو يسووق وهو يبكي وكانت معي خالتي وتهدي في اخوي خايفه يصدم فينا مررت ايام العزاء وكان البيت مايفضى من الناس وخلص العزاء وفضى البيت وامي دخلت بالحداد على ابوي وفضى البيت وصرنا نطالع في بعض وعيوننا تسئل وينه راااح خلاص ماراح ندق نوصيه يجيب لنا معه توست وجبن من البقاله خلاص ماراح ننتظره على الغداء والعشاء خلاص ماراح نتهاوش دور مين يفرش فراش ابوي بالمجلس يعني خلاص ماعاد نسوي قهوة عشانه ماراح يمزح معانا مين بيتريق على مراييل اخواتي اذا بدت الدراسة مين بيوصلهم المدرسة اذا راح الباص مين بيزوجني مين الي بيوصي العريس علي مين الي بيتصور معي بيوم زواجي ومين ومين ادعولنا ان الله يربط على قلوبنا ويصبرنا وكذذا مااااات ابوي
120
6K
يلزم عليك تسجيل الدخول أولًا لكتابة تعليق.
دموع الصيف
•
الله يرحمه ويسكنه فسيح جناته طريق كلنا ماشين فيه
ياعمري
الله يرحمه ويغفر له ويسكنه الجنة
واموات المسامين اجمعين
ويشفيكي ويعافيكي
ويصبركم ع فراقه
الله يرحمه ويغفر له ويسكنه الجنة
واموات المسامين اجمعين
ويشفيكي ويعافيكي
ويصبركم ع فراقه
الصفحة الأخيرة