ابى اسوى عشاء بس بدون لحم اودجاج

الطبــق الاول عشاء خفيف ولذيــــذ صينية خضار عباره عن بطاطاوكوسه وجزر وباذنجان وفلفل بارد وطماطم وبصل كلها قطعيها شرائح وملحيها ورشي عليها زيت زيتون وزعتر بري حق البتزا وحركيها كلها مع بعض حتى تتداخل البهارات ثم دخلي الصينيه فرن حار شغلي الشوايه فقط وضعي الصينيه بالرف الاوسط وكل شوي قلبيها تحتاج تقريبا ساعه الاربع...

الطبق الثاني سلطه عباره عن خس وفلفل باردوخياروطماطم وزيتون وجبن مالح مكعبات خلطيها مع بعض بعد التقطيع...

الطبق الثالث متبل باذنجان سريع اشوي حبة باذنجان اواثنتين بعدين قشريه بعد ماتبرد وخلطي معه في الخلاط زبادي وشوية ملح وفلفل اسود ناعم وعصرة ليمون وخلطيها مع بعض وصبيه في صحن وزينيه بزيت زيتون وبقدونس..

الطبق الرابع والرئيسي ...سله فيها تشكيله خبز بر وابيض ...لاتنسي العصير ولا تدرين حطي ماء اسرررررع
وبالهناء والعافيـــه..

مشكوره ياعمري

الله وكيلك توني متعشيه توست مغمس بالبي

سوي شعبي .حلو خاصة بالشتاء

اما مصابيب ..او فريك (يسمى قرص)

وهو انك تسوين مراصيع بر على الصاج الحار وتكون سميكة شوي اسمك من البيتزا ..وتكونين مقطعة بصل ومجهزة السمن (فارم ) احسن نوع ..فلفل اسود

بعدين اذا استوت (سويها كبير ة احسن .).حطيها بقدر وحطي عليها 2 ملعقة سمن او اكثر اللي يناسبك ... وكبي عليها من البصل والفلفل ودقيها بالمسواط (حق الجريش )لين تصير قطع .وتعالي شوفي الطعم والله خيال ..والبصل بيلين شوي من حرارة المراصيع والسمن يعطي نكهة روووعة ..واذا حابة قطعي فلفل حار احمر او اخضر ودقيه معها .

وحطيها بحافظة وحطي على الوجه شوي سمن وفلفل اسود وشوي بصل وفلفل حار ..

واشربي معه شاهي وادعي له:26:

آسفه ضغطت على حرف غلط
العشا كان عباره عن توست مغمس بالبيض ومقلي
هذا الطبق الثاني بيض اومليت رشيته بجبن شيدر وحلوم مبشور وخليته بالتوست
وكوب حليب الشاي والحمدلله عالنعمه والخير