ابى اعشى اهل زوجى ...وابى مساعدتكم

تبلي الدجاج بالثوم والليمون وزيت الزيتون بعد ماتقطعيه8 قطع وزيديه كوب ماي حار وقصدري الصينيه ودخليها الفرن,بعد ما يبرد الدجاج غطسيه في البيض المخفوق مع بطاطس مسلوقه من قبل وبارده وبعدين في الدقيق واقليه صار عندك احلى بروستد,دوري هنا وهنا في ملف السلطات وصلحي نوعين مع البروستد وطبعا واهم شي لا تنسي البطاطس الاصابع,وان شاء الله اكون افدتك.

شوفي انا عشيت اهل زوجي قبل كم يوم وحطيت لهم قوارب البطاطس شكلها حلوو والطعم خراااااااااافه والله مابقت ولا حبه انهبلوا عليها
وطريقتها انك تاخذين البطاطس وتقسمينها بالعرض قسمين واهم شي تخلينها بقشرتها لاتشيلينها وبعدين حطي عليها شوي ملح وغلفيها بالقصدير ودخليهم الفرن وخليها لحد ماتنضج يعني لحد ماتدخلين الملعقه وتدخل بسهوله اهم شي هي تطول بالفرن على بال ماتستوي يعني تقريبا ساعه الا ربع او ساعه
بعدين طلعيها من الفرن وطلعي بالملعة حشوة البطاطس بحيث انك تحتفضين بالقشره مايخرب شكلها بس طلعي البطاطس اللي بوسط القشره اوكى
طلعيه بصحن كبير واخلطي معاهم 1 ملعقه كبيره دقيق وبيضه وحده وربع كاس لبن وشوي ملح وفلفل اسود او ابيض وبسسس
وعلى النار بمقلايه حطي نصف اصبع زبده وحطي بصل مقطع شرايح وفلفل رومي ومشرووم مقطعات شرايح لحد مايذبلون وممكن تحطي دجاج مسلوق ومنتف معاهم بس انا ماحطيت وبعد مايخلصون حطي حشوة البطاطس معاهم وحركيهم شوي على النار بعدين احشي قوارب البطاطس اللي هي قشرة البطاطس بالحشوه وبعدين رشي عليها من فوق جبن مبشور موزريلا او كرفت تشيدر يمممممممم يممممممم وحطيها بالفرن من تحت ربع ساعه ومن فوق لحد ماتتحمر وربي خطيرررررره راح تدمنين عليها

ملاحظه كل ماكثرتي الزبده كل ماكانت اطعم
جربيها وقولي كيف شكلها وطعمها واذا مافهمتي على وصفي ادورلك صوره تبين لك كيف

رهيبة يا عسولة الحبوبة

رهيييييبه والله بس القشره ماتتقطع وانا اطلع الحشوه

والله انتم الرهيبين وانشاءالله تجربونها وتعجبكم ومتاكده انشاءالله انها بتعجبكم
ياعيوني ياورديه لاتخافين ماراح تخرب لان قشرة البطاطس راح تكون قاسيه شوي لانها كانت بالفرن وانتي بعد حاولي انها ماتخرب معك وانتي تطلعين حشوتها بالملعقة الصغيره

على العموم راح يكون شكلها النهائي تقريبا زي كذا



ممكن ترشين عليها مع الجبن المبشور بهارات ايطالية من فوق او بهارات البيتزا
وبالعافية عليكم