حبيبتي انتي بسن محتاجة نغذة صحيحه
فضروري تروحين لاخصائيه تغذيه تسوي لك تحاليل وتشيك على وضعك وتعيك نظام غذائي يناسبك

انت بهذا العمر حبيبتي ما ينفع رجيم قاسي.. لان اصلا لو سويتي رجيم قاسي راح يرجع اول ما ترجعين للاكل العادي

انت لازم تغيرين نظام الاكل تماما

افطري توست بر في جبن قليل دسم او لبنه او بيض مسلوق.. مع عصير برتقال او مويه عادي

وتغدي من غداء البيت عادي بس كثري سلطه قد ماتقدرين وقللي رز مثلا كلي 6 ملاعق رز بس ودجاج او لحم او سمك وسلطه
الحلا والمقالي ما وراها الا الشحوم اتركيها

واذا جعتي بين الغداء والعشاء كلي حبة خضار او فواكه تحبينها

والعشاء خففيه مره لان هو اللي يسمن.. تقدرين تاكلين زبادي وخيار.. او بيض او شابوره وشاهي
او اي شي خفيف وسعراته قليله

اذا اشتهيتي مقالي كلي حبه.. او اذا اشتهيتي حلا كلي لقمه وحده او اثنين بس مو كل يوم لا اذا حسيتي مررره نفسك فيها

وبعد امشششي واذا بيتكم فيه درج اطلعي وانزلي قد ما تقدرين

لو مشيتي على هذا النظام تنزلين ووجهك يكون حلو مو ذبلان
بس مو زي الرجيمات القاسيه اللي تنزلك كيلو باليوم هذا ينزل اقل بس مافي حرمان

والله ينحفك وينحفني يارب من غير شر