لي أعرفه ان تجليدات الحزام عند المكتبات الكبيرة زي جرير والعبيكان ...

أما التجليد كامل فاسئلي في قسم الديكور يفيدونك بأفكارهم ..

وممكن بعد تشترين الأشكال المفرغة من المكتبة .. شكل نجوم أو أزهار أو الي تبين .. وتحطيها على الجدار وتبخي عليها بالبخاخ البوية نفس لون غرفة بنتك ..

عن نفسي صبغت غرفة بنتي مسافة ارتفاع متر من الارض باللون الموف الفاتح مره .. واللي فوق ليموني فاتح مره ..
والجزء الي بينهم متموج من نفس الالوان .. يعني مو بس خط عادي يفصل اللونين

ورحت اشتريت فراشات قماش لون موف ولون ليموني من محلات أدوات الخياطة .. وكويتها على الجدار بالكواية وثبتت ..
طبعا بشكل متعاكس .. يعني مكان التموجات الموف أحط فراشات ليمونية .. والعكس ..

طلع الشكل أحلى من الحزام الي عند المكتبات .. وفكرته بعد جديدة ومبتكرة وتلفت الانظار .. لأن كل من شاف غرفة بنتي عجبته الفكرة على بساطتها !!

ورحت بعد شريت من ابو ريالين القمر والنجوم الي يعطون اضاءة بالظلام ولونتهم بالموف والليموني وسويتهم بشكل ديكور حلو على الغرفة والخزانة والتسريحة والباب ..

واخذت فراشات كبيرة بألوان حلوة من لايف ستايل .. وثبتها على الجدار ..

ومع المخدات وألعاب الاطفال القماشية المنسقة صارت الغرفة تجنن !!

أتمنى أكون أفدتدك ...

يعني لو ما حصل لك تصبغين حاولي تسوين الي تقدرين عليه بنفسك .. زي فكرة البخاخ والاشكال .. وباقي الديكورات الخفيفة ..

نسيت أقول لك ان الستارة صلحتها أنا من قماش قديم ليموني .. وكويت عليها فراشات موف !!

صارت تطقيمة حلوووة كأنها جاهزة !

شكلي أزعجتك .. تحمليني !!

جتني فكرة ورجعت أقولك عنها ..

مادام زوجك غي متعاون ولا عنده نية يصبغ الغرفة .. ليه ما تجيبين ورق مقوى ( الصحايف حقت المدارس ) .. وتصينها من النص على شكل متموج وتثبتينها على الجدار من نص الغرفة كأنها حزام داير ما دار .. ثم تجيبين بخاخ باللون الي تبين وتبخين من بعيد مسافة نص متر حتى يعطيك بس ألوان رذاذ خفيفة ما يخرب لك الجدار ..
ولما تنشف .. تعكسين وصع الورق وتثبتينه من فوق على نفس الشكل ونفس مكان التموجات وتبخين رذاذ بلون ثاني متناسق مع ألوان الغرفة وأثاثها ..

وبعدين تثبتين الفراشات الي قلت لك بشكل متعاكس !!

الفكرة سهلة وخاماتها متوفرة .. وبيطلع لك شكل حلو وجديد غير دارج ومنتشر ..

اختي ابداع مااشاء الله عليك

بس مقدر اسوي كذا احس اني باخرب الجدار ماقد مسكت بخاخ بيدي ولو يخرب الجدار مستحيل يصلحه لي

ودي بالتجليد عشاني اقدر اعدله
بس مدري كيف احصل تجليد الجدران من وين
ابي تغليف قوي ويثبت وبنفس الوقت ناعم

نـــــــــــــصـــــــــــيحــــــــة في الله....
لاااااااااااااااااا تجلدين الغرفة والا أبحوسك :)<---على بالها متحمسة..
شوفي:التجليد أولا متعب أكثر من ابوية..
ثانيا: بتذبحك فقاعات الهواء..
ثالثا لازم كذا شخص يساعدونك عشان التجليد ما يميل..
رابعا وهو الأهم: إذا قامت البنت تلعب أو دخل الغرفة أطفال بتتخدش التجليدة وتتقشع-خصوصا إذا ما كانت ورق جدران..وبتضطرين تشيلينها..وعندها بتبدأ المشاكل: الغرا حق التجليد بيلزق على الجدار وتصير تلقط الغبار والشعر..وتتشوه صدددددددق..
أنا رأيي..
إشتري لك حزام -شريط لاصق- وبتلاقين عند رامز أشكال والوان إذا أنتي بالرياض..
بعدين هاتي لك سطل بوية لونه يمشي مع لون الشريط واصبغي الجانب الأسفل من تحت تحت الشريط..لأنك بكذا ماراح تحتاجين أحد يساعدك..ونصيحة اشتري بوية زيتية عشان يسهل مسحها..
وفكرة الأخت إبداع حللللللللللللوة مرة حاولي تطبقينها..ولو تجربين على لوحة قبل ماتغامرين على الجدار..
بس ابتعدي عن التجليد بقدر الإمكان!
وسوووووري على الإطالة:)