وش اسوي
لو اقول له جب لي صبغ ماوافق

ضيقتوا صدري

والله فكرة ابداع روعه وخاصه الفراشات اموت عليها

بس وين اجيبها منه

اعجبتني مرة فكرة هالحزام

بس ياليت توضحينه اكثر لي

للرفع

شوفي يالغالية ..

تجيبين ورق مقوى وتقصينه قطع مستطيلة بس تخلينها غريضة شوي حتى تحمي لك باقي الجدار ما يجيه لون ..

وتروحي مقصصتها بالمقص بشكل متموج من طرف واحد فقط .. ثم تثبتينها على الجدار بشطرطون لاصق .. وبجنبها قطعة ثانية .. ثم ثالثة .... على نفس المستوى ونفس طريقة تناسق التموجات .. وتخليها داير مادار على الجدار ..

ثم تجيبي البخاخ باللون الي تبين وتبخي من مسافة بعيدة شوي حتى ما يصير اللون قوي أو يطلع لك بقع ونقط بوية بالجدار !

يعني المطلوب انه يطلع لنا بالجدار لون خفيف وناعم من الرذاذ ..

وبعد ما ينشف .. تشيلين الورق المقوى .. وتحطينه من فوق .. يعني تثبتينه بالشطرطون بطريقة مقلوبة .. عشان تبخين اللون الثاني بالتموجات الي طلعت لك من فوق ..
وتعيدين الي سويتيه بلون ثاني خفيف وناعم ..

وبعد ما ينشف تشيلين الورق المقوى لأن مهمته انتهت ..

بيطلع لك حزام متموج من الداخل .. ومموه من الخارج .. وبيصير شكله ناعم مره ..

بعدين جيبي الفراشات من محلات أدوات الخياطة .. قولي أبي الفراشات الي تنكوي على القماش .. وخوذي الالوان من نفس ألوان البخاخ الي سويتيه بالحزام .. وتبثيها بالكواية بشكل متعاكس .. يعني التموجات الي لونها مثلا زهري تحطي عليها فراشة ليمونية .. والتموجات الي لونها ليمونية تحطي عليها فراشة زهرية ..
وخلي عندك فراشات زيادة ثبتيها بأركان الغرفة ( زاوية التسريحة والدولاب ... والستارة )

وممكن تسوي تحديد بلون زهر أو ليموني بقلم البوية يفصل تموجات اللونين حتى يكون واضح أكثر ..


وعلى فكرة ترى فيه أشكال مخدات أطفال حلوووة مرررة عند جيان ورخيصة غير عن المحلات الثانية ..
الي بثلاثين أو اربعين عند غيرهم عندهم بعشرة بس !!
أنا أخذت منهم مخدات على شكل فراشات وحيوانات حلوة مرررة وألوانها جنان ..

حبيبتي

لقيت لك فكرة حلوة بعد لو كانت الفكرة الاولى صعبة عليك ..

تخلين الجدار على نفس لونه .. يعني بدون بوية ولا هم يحزنون !

ثم تجيبين لفات صوف ( الي كنا نشتغل فيه بالسنارات أيام الدراسة ) ! وتختاري ألوان زي ألوان غرفة الطفلة ..

وتجيبين صمغ مسدس وتثبتين الخيط على شكل دوائر جوى بعض .. يعني تثبتينه في نقطة معينة ثم تلفينه بشكل حلزوني لما تاصلين لحجم الدائرة المناسب وأنت تلفين الخيوط وتثبتينها بشكل متباعد حتى تبين ..

وتكررين الحركة وتغيرين في حجم الدوائر مرة كبيرة ومرة صغيرة ..

وممكن تسوين دوائر بلون .. ودوائر ثانية بلون ثاني يمشي معاه .. وردي .. وتفاحي .. أو موف وأصفر .. .. حسب ألوان الغرفة ..

وممكن تضيفين الفراشات وممكن تكتفين بالدوائر ...



وممكن لو ما عجبتك فكرة الصوف تجيبين أقمار ونجوم فسفورية من ابو ريالين بعدد كبير .. وتلونينها بنفس ألوان الغرفة .. وتلصقينها بالجدار بأماكن متفرقة !