ابي اخطب ومتردد

السلام عليكم ورحمة الله وبركاته
مدري منين ابدا موضوعي طويل وابي افادتكم يالمهات لو الي مكاني ولدكم انا شاب عمري 27 سنه مهندس وبوظيفه وشقتي جاهزه والحمد لله اموري ماشيه يعني اقدر افتح بيت الوالد والوالده الله يحفظهم لي بحكم اني البكر نشفو دمي يبوني اتزوج ولا فيه لهم حوار معي غير الزواج والحمد لله نويت فا قلت لهم دورو لي بنت الحلال وشروطي بالبنت بسيطه ان ابوها وامها افاضل لو قصرت معي بنتهم اقل شي فيه من يعلمها الصح من الغلط . وهنا اول شي خطر على بالي صديق العمر ابوه وامه مشاء الله عليهم لاكن خويي هاذا الله يهديه قبل فتره فتح لي موضوع والموضوع هاذا هو الي مانعني اخطب منه قالي في يوم كنا طالعين نتعشى مدري هي زلت لسان ولا قراده ليته ما علمني قال حنا عندنا مرض وراثي ولا يبان بالفحص تحمله النساء وتظهر اعراضه بالذكور فقط والبنات مايتأثرن فيه طبعا مو شرط كل الذكور هي اكيد حامله للمرض لاكن فيه احتمال ان احد اولادها الذكور يصاب فيه
امه حامله للمرض واخوه الكبير كان مصاب فيه المرض ماله علاج والمرض عباره عن ان لمى يبلغ الشخص حول ال 7 سنوات تبدا عليه الاعرض وهي ضمور في العضلات يعني اذا مسك شي بيده يطيح بالارض ما يقدر يتحكم بالعضلات الى ان يكتمل ويصاب حامله بالشلل وبعدها بكم سنه يتوفى وهو عنده حول 5 خوات اخت الكبيره متزوجه وعندها 3 اولاد و بنتين احد الاولاد بدت تضهر عليه الاعراض عسى ربي يحميهم لها وهاذا الي خوفني بعد
انا اعتبر جزء من عائلتهم بحكم اننا مع بعض من وعينا على الدنيا واعرف اهله ويعرفوني رحت وبلغت الوالده وقلت يمه كذا كذا الموضوع وابي اخطب منهم
اول شي كانت تسايسني وتقولي لا سمح الله بكرا تزوجتها وظهر المرض على اولادك وش يكون موقفك فا جلست اقول لها ان هاذا بعلم الغيب هو فعلا فيه نسبه بس الله واعلم اخته الثانيه ماخذه شخص ثاني واولادها مو مصابين فا هي مساله مو بيدها يوم حست امي اني مصر عصبت امي وجلست تعبي راسي
قالت لي طيب لا سمح الله جاك ولد وانت كنت تعلم اقل شي ان فيه نسبه لنفرض انها 1% ان تشوفه يموت قدامك ولا تقدر تسوي شي قلت وقتها بنتحر اكيد مراح اتحمل بس وش عرفك يمكن الله يستر علينا ونعيش حياه سعيده حلفت علي ان ما افتح الموضوع وانا اشوف فيها الزوجه الي اتمناها كل المواصفات اجتمعت فيها واعرفهم زين لاكن ما اخفيكم انا مره متردد المهم بعد التكرار والرفض قلت خلاص شوفو لي الي تبون معاد تفرق معي
راحت امي وكلمت صديقة اختي بحكم اخلاقها ودينها قالو لي ترا مهي جميله قلت شي يغطي على شي ابوها ونعم الرجل وامها محترمه وراعيت دين قلت يا رجال يمكن هاذي الي تسعدك لاكن للاسف ما حصل نصيب وقبل لا اتقدم لها خطبة رجال كلمتها اختي وكانت تتحج ابيه مطوع او ملتزم ابي الزواج يكون بعد سنتين لان الضروف الي حولها ما تسمح ووافقت على شروطها لاكن كانت جدا متردده وفكرت الزواج مو براسها فا رفضت وهنا كانت اول صدمه مدري وش ذا الشعور حسيت باحباط يمكن على شاني قلت لنفسي ان هاذي قسمتك اكيد
الخيار الثاني من الجماعه مستقرين بعرعر ما نعرفهم لاكن سالنا عنهم والكل يمدح فيهم وتوها متخرجه جلس ابوي يزن على راسي يقول ابوها رجال ونعم فاتح بيته وكفو وامها راعيت بيت وسمعتها طيبه واخوانها رجال وش تبي اكثر من كذا قلت الي تشوفونه لعل الله يبدلني خير وبالاول والاخير هي بيد رب العالمين انا في حالت تخبط مافيه احساس احس خلاص زي ما تجي تجي مهما تكون اكيد بحبها بعد الزواج وبتكون شريكة حياتي والله بيزرع المحبه بيننا هاذا الي اصبر نفسي فيه وبعد اسبوع دق عليه الوالد وقال له ابو البنت ان ام البنت ما تبيها برا عرعر بحكم اني ساكن برياض وقال له ابوي الي تشوفنه وعسى الله يكتب لها نصيب افضل من ولدنا انا هنا فعلا تلفت اعصابي من سالفت الخطبه

وقلت خلاص بوقف الموضوع ولازال جزء فيني يقول ان ترا الرفض علامه من راب العالمين ان رح اخطب من صديقك لاكن مدري وش بيكون وضعي لو فعلا تحقق الكابوس وجاني ولد وبدا يموت قدامك موت بطيئ ولا تقدر تسوي له شي هل اتوكل على رب العالمين واخطبها ولا انتظر نصيب افضل رغمني متأكد مراح القى احسن منها وقلبي جدا مرتاح لهم لاكن لو خويي ساد فمه وما علمني كان والله ما خليتها وخاطبها من اول يوم ابي رايكم يالامهات هل الي تقوله امي شي عقلاني ولا عاطفي هل اتوكل على رب العالمين واوقف بوجه الوالده واقول لها اخطبيها لي والي يصير يصير هي وش ذنبها وكل شي بعلم الغيب ولا هي على حق .....