ابي ارضع طبيعي دلوني يالخبيرات

مشكور الف شكر يالغاليه على الرد انا لسى ما ولدت استعد من الحين عشان ارضع طبيعي انا لسى في الشهر الخامس

اشربي حليب دافي وكلي تمر ومكعبات حلاوه طحينيه وحليب بحلبه
وضمي البيبي على صدرك وشمي ريحته بيدر صدرك غصب

مافيه زي الرضاعه الطبيعي فيها تواصل رائع بين الام وطفلها

ان شالله تحسينه وتستمتعين فيه

الله يسمع منك عاشقة الميكاتو الله يتمم عليه وارضع طبيعي ياااااااااااااااااااااارب

حبيبتي عليك بالسواااااااائل ( حليب مويه عصيرات نعناع يانسون مرق لحم كل شي سائل اشربيه )
وكلي حلاوه طحينيه
وكثري خضااااااااااااار وانتي بنفاسك تنفعك وتنفع البيبي ملينه للبطن وفيها فوااااااائد كثيره
وحاولي ترضعينه كل شوي خلي صدرك عند فمه مو تقولين شبعان خليه وهو راح يرضع اول الايام راح تتعبين لانه ماراح يكون في حليب بس اتحملي وخليه يرضع وان حسيتيه تعب اعطيه رضعه شاي اطفال عشان الغازات وبعدها بشوي رضعيه من صدرك وهكذا بس بعد اعطيه صناعي بس موكثير لان اعوذ بالله الواحد مو عارف وش بيجي مع الايام من حمل من مرض الحليب يقل الله لايقدر ولايكتبها عليك ولاعلى مسلمه ويحفظنا من كل شر
بس خلي اعتمادك الكلي على صدرك والصناعي بس رضعه قبل النوم واذا بغيتي وحده بعد خلال النهار
وحطي على حلمة صدرك شوي عسل عشان يتعلق فيه
ولاتيأسين ابدا
اقسم بالله بنتي كانت تبي الصناعي ماتبي صدري والله كانت تعصب وهي ترضع وكنت اغصبها وتصييييح ولمن اعطيها الصناعي تسكت وترضع كنت احط عسل ترضع بس لمن يخلص العسل تتركه واذا تكلمت تتركه حتى اذا احد تكلم عندي تخرجه من فمها والتلفزيون نوط صوته كله عشان السنيورة ترضع والله كنت اداوم في الجامعه وواجباتي اسويها في السياره وفي الجامعه لاني في البيت مفرغه نفسي لبنتي او بالاحرى للرضااااااااعه والله كنت في جهاااااااااااد الين صارت ٥ شهور وبعدها يارب لك الحمد والشكر صارت ماتبي الاصدري وانقلبت الايه ماتبي الرضاااااااعه ابدا
والله والله والله اني متأكده ان ربي استجاب لدعائي لان كل من كان يشوني انا وبنتي يبصم بالعشره انها ماتبي صدري خلااااص وكنت ادعي بالليل وابكي بحرررررررقه اول فرحه لي وابيها ترضع مني وانا بالنسبه لي الامومه بالرضاعه الطبيعيه مادري ليش عشان كذا نفسيتي تعبت مررررررره والله مية مره قلت خلاص اليوم بفطمها واتعوذ من ابليس واستمر واليوم اللي بعده نفس الحاله الين كبرت وتعلقت بصدري بس مثل ماقلت لك ادعي ربك كثيييييير واصبرررررري

اسفه ياقلبي كثرت قرقه عليك  

اني رحت المستشفى عطوني خلطة اسويها مع الماء من الصيدلية شريت

و عندي نفس مشكلتك الولد 4 شهور و نص ما يرضع مني
و السبب الحضانة

بكتب لك اسمه بعدين لانه مو جنبي احين