ابي استقل عن بيت اهلي!!!

طبيعي تبقي ببيت اهلك وطبيعي تغسلي فنجانك ..! وطبيعي اختك تشاركك غرفتك وماحلى البزران بالبيت كيف اذا تزوجتي بدال اختك تشاركك زوجك بدال الفنجان كومه مواعين وبدال بزران البيت بزرانك ومسؤوليه وتحكم زوج والخ ..هذي الحياه التزام ﻻزم تعودي نفسك عليها ..

والله صعب يابنتي تطلعين بشقة لوحدك ..
فكري بمنطق مو بعاطفة
يعني مهما كان البيت يلزمه رجُل ، لا سمح الله صرلك شيء أو طب عليك أحد أو كان فيه شخص يراقبك وعرف انك لوحدك صعبة جداً .. حتى المشهورات الحين وهم ماعليهم في أكبر شنب صارت ماتروح مكان الا ويمينها ويسارها بوديقارد حتى عند بيتها .. وهالشيء لأن الأنثى بطبيعتها ماتقدر تعيش لوحدها مهما اختلفت الأراء ، الرأي السليم موجود بديننا الإسلامي ، الزمن يخوّف وفيه اشياء تطغى ع أشياء
صح تنزعجين ما الومك والله انا وانا متزوجة مرات بيت أهلي أجلس عندهم يومين أحس كامل حريتي اللي تعودت عليها ببيتي مع زوجي انسلبت مني 😂 وانزعج شوي ..
لأن هالشيء فطرة في الانسان انه يكون مسؤول عن نفسه ويتخذ قراراته لوحده ويكون له شوية خصوصية ..
بس فكري فيها ، بعدين كيف بتجلسين لوحدك ؟ حتى لو كل شيء قدرتي توفرينه .. انتي تتكلمين عن سنين بتعيشينها في بيت لوحدك مو يوم ويومين .. ؟
والله يكتب لك اللي فيه الخير ، ويرزقك يارب الزوج الصالح اللي ييسر لك حياتك ويسعدك 💞

أحس فيك و عايشه نفس وضعك ببعض الأمور بزيادة سنوات بس ع الأقل أمك تحكمك و تحكم بيتها و من حقها حتى لو بعض الأشياء غلط لكن أنا أسوأ من حالك بهالنقطه إن بنت الناس تحكم لا و تسبب مشاكل مالها حصر من سنواااااات حسبي الله عليها
*لحد يسألني من هي بس و الله مو زوجة أخ و لا زوجة أب

رفع

معاك في فكرتك وبقوة لأاني عايشة نفس الوضع ... ضيوف وضغط وومجاملات ... الحل أنك تستقلي بذكاء ... مو معقولة أنك بنت مو متزوجة وفي نفس البلد وأنت في بيت وأهلك في بيت ... إذا أنت موظفة وظيفة كويسة اطلبي نقل لفرع ثاني وبكذا يكون عندك سبب للاستقلال ...
اطلبي دورات في غير مدينتك وبكذا تتنفسي كل فترة وفترة ... اذا امكانياتكم تسمح بالخادمة وخليك مسؤولة عن نفسك فقط .... عيشي دور البنت الحالمة اللي ماعليها الا من نفسها وأختك أكيد حبيبتك .. مارح تمنعك من غرفتك اذا نومها ثقيل اتفقي معاها ماتقفل باب الغرفة وبالمقابل انت نفس الشي ... وأجمل شي في الحياة الجلسة مع أختك .. والله إنها جلسة كل شي مكياج وشعر وعناية وحكاوي وتفاهات وجلسات ذكر ونصايح ... انبسطي مع أختك لأن شكلها قريبة من عمرك .... الله يحفظك