يارب رحمتك من منا لايعاني والله اني بحاله مثلك ولاتخافين كلنا سواء انا عندي مسؤليه عيالي الله يحفظهم وزوجي بس ينافخ علي وانا مو بيدي انام زي الناس والله احيانا احس براسي ينفجر من السهر وقله النوم واحيانا لا ليل ولا نهار ما ادري وش تفسيرها والله اني جربت بندول نايت مافيه فايده وبابونج ومليسا يقولون مهدي . بس يا الله وش انسوي الله يجعله رفعه درجات وتمحيص ..................

قلبي بعطيك تجربتي ..

انا كنت اعاني من ارق لمده سنه وكنت اداوم وماانام الا ساعتين ..


بقول لك قلبي .. القهوه والشاهي ابعدي عنهم .. اول شيء راح ترتاح معدتك وثاني بتلاحضين هذا بتركيزك ..

قومي الساعه 8 او 7 الصبح .. ولاتروحين لفراشك الا 9 ..الليل ..

العبي رياضه .. المشي في هواء طلق .. او رياضه في بيتك ينفع وعشان تحرك الدورة الدمويه لراسك ..

دلكي شعرك .. الطريقه .. تقسمين شعرك وتاخذي كل قسم وتشدينه على فوق ..

اذا مانفع معاك كل هذه الاشياء .. وسويتيها لمده اسبوع وبرضه ماجاك النوم ..

وماعندك اي مرض مزمن وعمرك مايتعدى 40 .. وانتي فوق 20 .. ولا ترضعين طفل < بصراحه هو ماله اضرار بس احترازا

روحي جي ان سي ارمال .. اخذي منهم منشط هرمون الميلاتونين .. وهو يسبب الاترخاء والنوم ..

ومع الاستمرار على كل اللي قلت لك فوق .. خذي منه حبه وحده ..قبل موعد النوم بساعه .. واجلسي بمكان مظلم وخففي الانوار واسترخي ..

والافضل من تاخذينه وانتي بسريرك .. وسكري كل النور .. واقري اذكارك ..

واستغفري لما تنامين .. وانتي تستغفرين حاولي تعدين استغفارك .. على اصابعك عشان ماتهوجسين باي شيء تاني ..


ويارب يبارك لك بولدك .. وينعم عليك بنوم هني يارب

الله يشفيك

نصيحتي لك يااختي داومي على الاستغفار والله انه عظيم جدا وراح تنحل مشكلتك باذن الله وحاولي تبتعدين عن المنبهات
واشربي يانسون وبابونج وريحي بالك من التفكير ولاتخلينها مشكله خلي الموضوع عادي الله يريحك يااااااااااااااااارب

الله يعين انا زوجي بس يهددني يفصل النت لو ماعدلت نوومي سهر بالليل ونوم بلنهاار

حتى انا طفشت بالنهار نومي مقطع بسب اطفالي صار مافيني قووة امشي واطيح خممول وتعب