أنا أشوف انها فترة مراهقة وراح تعدي إن شاء الله ، يعني أنا لمن كنت بسنها كنت ألبس نفس اللبس كل يوم مثلها ، والسبب إن أحس دولابي مافيه ملابسي ، لأن غالبا ماما ماتشتريلي ، تشتري لأخواتي وأنا تديني ملابسهم القديمة ، مع إن تكون ملابسهم مرة كبيرة عليا ، فما أحب ألبسها ، دا شي والشي التاني لأن أحس نفسي جميلة باللبس خصوصا لمن يكون على مقاسي ، وماما ماكان يهمها ايش ألبس ولا تعلق ، لكن سارت تشتريلي كل فترة وفترة وتخليني أقيس ، وتنهال عليا بالمدح وإن اللبس جميل جدا لأنه عليا ، فعشين كدا قد ماتقدري أشتريلها لبس لبسين على ذوقك وخليها تقيسها وأمدحيها وأمدحي شكلها وكيف إن اللبس حلو عليها ، أما هرجة الحمام ، فلاتخليها تدخل بالجوال !! لأن تقدر بكل بساطة تسوي الي تباه وبعدين تحذف كل شي قبل ماتطلع ، مابدي أشكك ببنتك بس أنا كنت مثلها ، بعدين أتعدلت الحمد الله ، وأدعيلها الله يهديها ، أما الأشعة فاستودعيها الله وسويها ، كثير أطفال سووها وماسرلهم شي فمابدي أخوفك لكن حلو انك تودعيها أمانه عند ربك ... وماأشوف ان غلط تروح لطبيب نفسي ، بس حاولي تتقربي منها اكثر وتكوني صحبتها ، اقربي منها واسمعي افكارها السوداوية وحوليها لإيجابية لأن لايمكن تنحذف دي الأفكار إلا بتغييرها ، حاولي تشاركي أفكارك معاها وتغيري زاوية نظرها لدي الحياة ..

هذي اعراض مرض روحي
وديها لراقي شرعي وشوفي وش يقول لو كانت سليمه راجعي اطباء لكن في البدايه ارقيها
لان اختي كان فيها مثل بنتك كلع فيها مس

عادي ترا شغله بسيطة انتى لا تكبري الموضوع
بنتك خذي منها الجوال خلية زي المكافأة
تسمع الكلام تعطينها الجوال كم ساعه
ماتفسخ المريول مافي جوال أبد
شكلك مدلعتها بزيادة ومن النوع الي الأكل يوصل لحد غرفتها
جدة أولادي الله يسامحها من زود حبها في ابني مدلعته بزيادة كل وقته على السوني والأكل يوصل لباب الغرفة لدرجة انو مو بس ما يغير ملابسة إلا انقطع عن المدرسة وبطل يتحمم خاااااااااالص بالشهور وهو عمرة 13 قريب من عمر بنتك
الدلع الزايد يفسدهم يصير أتكالي وكسول ووقح ويشغلك اسطوانة الكآبة والانتحار والمراهقة
هي سالفة تربية بعض البرزان اذا تساهلتي معه يطلع بليد ومقرود

اذا كان كلامك عن جلوسها الطويل بالحمام وحبها للألوان الكاتمه وميلها للعزله والبعد عن الناس وسالفة ملابسها دليل واضح ان البنت محتاااااااااااجه رقيه متواصله ومكثفه الى جانب العلاج النفسي بس اعراضها تأكد انه معاها مس والله اعلم خلي سورة البقره تشتغل بغرفتها كل الوقت وارقيها بنفسك وجيبي عشبة العرعر اللي قال عنها الشيخ الخليفه انها تطرد المس بفتره بسيطه واستخدميها بخور وزيت وادهنيها بمسك مقري فيه يومياً والله يشفيها يارب

اسال الله ان يطمن قلبك عليها بس اتوقع فيتامين دال ..برضوه معاها نقص فيه.