لاتخلينها تأخذ اي علاج من الطبيب النفسي نصيحة لوجه الله هذا شي الشي الثاني سالفة الملابس عادي اختي الصغيرة اذكر كان عندها بيجامه قطتها امي من كثر ماتلبسها لاعت جبدها وراحت تعلق على بدله ثانيه شي من الخيال وديتها مره خليتها هي تأخذ لنفسها مسكينه حتى العطورات حسّيت هي بعد هالشغله اهتمت بشكلها وقامت هي تطلب انها تروح تشتري لها أغراض والكسل نفس الشي كسوله ماتسوي شي لين اللحين تعودت ان فيه حد يخدمها والجوال ماعطيناها لان احنا جربنا وشفنا انها انعزلت عن العالم والنَّاس حتى يوم كانت تروح الكليه نعطيها جوال امي وقت الدوام الغريب في موضوع بنتج الحمام اساليها ليش تأخذ هالوقت حتى لو كان فيها إمساك ماتطول هالكثر حتى لو ماكان فيها مرض روحي راح يجيها من قعدة الحمام وانتي ارقيها وادهنيها وقت النوم بزيت مقري فيه خليها تختلط بالناس وتشوف البنات اللي في عمرها صدقيني بتتغير وراح تهتم في لبسها وشكلها وديها هي تختار ملابسها عطيها امر لاتنطرينها تسوي الشي من نفسها لانها هالفترة تحتاج حد يوجها عاقبيها لو ماسمعت كلامكم آخذي الجوال الدلع راح يضيعها ولاتعطينها مجال تقارن نفسها باي احد بشغلات مش ضروريه مثل السفر وغيرها غيري تعاملكم معاها انتي وأبوها شدوا عليها شوي السن هذا متعب بس لازم تتغلبون على كل تصرفاتها علشان ماتكبر بهالتصرفات الله يهديها يارب

فديت قلبك تعجبني الأمهات اللي تهتم بأطفالها ياإختي مثل ماقالو البنات إمنعي عنها الجوال ياما تساعدك وتاخذ دش ولاتطول به وروحي معها لمسغل وقصي شعرها قصه حلوه وسوي لها مناكير حلوه وخليها تحط أقنعه وخلطات معك خلاص بسم الله عليها صارت صديقه لك وسوي فحوصات أنتي وياها سوى فيتامين دال وفقر الدم وفيتامينات لشعوركم لاتحسسينها إنها لوحدها تعاني خليك أقرب لها من ظلها والله يحفظها لك

لا ما تاثر الاشعة تاثر لما تكررين كم مرة فعلا تاثر بس من مرة وحدة ما تسوي شي
و بعدين يمكن عندها مشكلة في الغدة لاني نفس حركات بنتك و عندي نقص في الغدة على العموم انتي جربي كملي على الدكتور اذا ما نفع شوفي حل ثاني

سوي كل شي بيدك تقدرين تساعدينها فيه اذا انتي شايفه ان وضعها مو طبيعي..سوي لها فحوصات للغدة

بنتج بكل أختصار يبغالها قراية
انا لما كان فيني مس عاشق كنت ماحب اقعد مع الناس
بس الفرق كنت اهتم بنفسي ودايما معصبه ماتقبل من احد كلام
واي اجتماع واي طلعة اكرهها وخاصه لو فيها ناس , وكان سببه حسد وعين من
يوم كنت صغيره وتطور معاي الى ماكبرت وصرت بالثانوي
عرفوا اهلي وعالجوني منه عشان كذا الحقي على بنتج
بلا دكتور نفساني ولا خرابيط بالقرأن عالجيها .