يمكن فيها مس
ودوها شيخ
الله يشفيها

لااله الا الله
فيه بنات من جماعتي نفس طريقه بنتك بالضبط امهاتهم يشتكون من تصرفاتهم وعدم اهتمامهم وعلى الجوال طول النهار
الاخوات ماقصرو بالرد لكن فيه نقطه حبيت انبه عليها ممكن البنت تعاني من السمنه أو النحافة الشديده وهذا يجعلها تفقد الثقه بنفسها وتكون انطوائية اكثر خاصه في هذا العمر الصغير

بعض الاعراض اعراض توحد بس مااتوقع لانه لو عندها توحد كان اكتشفتو بدري
بس معروف مريض التوحد تصرفاته كذا ويعلق ع لبسه وحده واذا فسخها يصيح ويتنكد وايضا بعض الاعراض
حرام لاتهملي بنتك كملي معاها اذا الدكتور زين
بنتك مو طبيعيه
سوي لها اشعه ماراح تضرها ممكن تاخذ علاج وتتحسن اما تخليها كذا حرام
واقري دايم عليها خليك حولها تقربي منها حاولي تتفهميها لين تعدي هالفتره

حبيباتي مشكووورات والله يجزيكم كل خير
بالنسبه انها ممكن عندها جوال في الحمام لا مافيه منأكده انا ..
بالنسبه للقران اشغل القرآن تقريبا يوميا ويوميا انا اقرا ادعيه وقران .. بالنسبه لصلاتها تتأخر كثييير عن وقت الصلاه واذا بتصلي لازم تروح في غرفتها يعني مانشوفها الا نااادر تصلي قدامنا تقول ماترتاح الا بغرفتها مع اني اعصب واتكلم واقنعها بالصلاه معانا في الصاله كلنا نصلي قدام بعض عادي واوقات كثيره نصلي مع بعض الا هي .. بالنسبه انا اذا طلعت اخليها تختار اللبس ،، هي ماترضى تطلع معاي وناادر جداً تطلع معاي تتسوق مع اني اشجعها ولما تكون معاي اعاملها كأم وصديقه لكنها ماتحب تشوف احد ولو اشتريت لها لبس تفرح فيه وتخزنه عندها في الكبت ماتلبسه بحجج مرات ضيق مرات تخاف يبرز جسمها وغيره ..

بالنسبه لطفولتها .. كانت هادئه .. ومع المعلمات خجوله وشاطره كانوا يحبونها على اساس جداً هادئه ومتفوقه .. لكنها خجوله جداً ومن صغرها كانت ماتبادر لاحد من الاطفال تنتظر من يكلمها مانت تخاف وكثير تتشكى لي ،، يعني ماتدافع عن نفسها ولا تتكلم .. كانت متفوقه من صارت في متوسط تدنى مستواها جداً خاصه ان تخجل تشارك فتنقص درجات على عدم المشاركه .. للان ممكن وتقدر تجيب درجات افضل لكن تضيعها للوقت في الحمام والالكترونيات خلاها تجيب نتيجه مو بالمستوى الا المفروض اشوفه منها .. من صغرها اي احد يشوفها يكلمها ويستلطفها لدرجة لما اروح معها سوبر ماركت يوقفوني ويكلمونها .. لما اروح المستشفى كثييير ياخذوها سواء ممرضات وحتى دكتورات ،، اذكر دخلت عند دكتوره الكل يذم في اخلاقها وبالفعل كانت ماتعطي وجه ومن شافت بنتي صارت غييييير تتكلم معها وتضحك وانبسطت معها ،، بنتي في صغرها جداً جميله وفوق هذا خفيفة دم بحركاتها واسلوبها وملامحها .. لما كبرت غيييير اهملت شكلها وتنظر لنفسها نظره دونيه .. مادري هل تعرضت لشي من طفولتها من الحسد مثلا او المس؟ والله محيرتني هالبنت تعبانه مو عارفه شنو السبب بالضبط هو مشكله نفسيه واعالجها عند دكتور نفسي ؟ والا مشكله روحيه متعلقه بالجن والحسد والعين ؟ والله مو عارفه اعرضها على من ومن اساساً الا ثقه علاجه ،، قبل فتره تكملت مع شيخ وقلت له عنها قالي متعرضه لمس وتأثير جن من صغرها ،، مادري وش فيها .. انا مداومه على القران والادعيه واشغل بصوت مسموع عندي سور قرآنيه على البيت كله .. وهي انصحها تحافظ على الامور الدينيه ،،