ابي تجارب لبنات عملوا هالعمليات وطبيب ماهر واسعار معقوله بالرياض

السلام عليكم ورحمة الله وبركاته

مشكلتي بدات لما كان وزني كبير جدا ونقصت كثير تقريبا 40 كيلو المشكله الحين عندي ترهل وقررت اعمل عمليات شد للظهر وللذراعين وللافخاذ


بدات مشكلتي ومعاناتي مع اطباء التجميل مابين مدح وذم وسالت واستفسرت الاسعار غاليه كثير

والنتيجه مو ذاك الزود
اول استشاره كانت عند الطبيب علاء ابو المغازي بمركز الاستشاري اول شي قالي السعر كامل 40000 ريال
:44: والله لو اني سياره قلت له يادكتور انا عروسه بعد فتره موعد زواجي قالي انا مراعيك بالسعر وغير كذا قالي بوريك صور لعمليات شد الذراعين لانها بالطول وفيها تشويهه الخط وسبحان الله ماارتحت له كثير واناطالعه شفت وحده من المرااجعات عنده قالت ماانصحك فيه مو شاطر هذا انا بهذلني بعملية ليزر لشد الظهر الجوانب تقصد وكانت عمليه فاشله لانه جهه اكبر من الثانيه

قررت اروح لطبيب ثاني واستشير وبعد تصفح بالنت لقيت دكتور اسمه خالد فقيه بادما رحت وعملت عنده استشاره لعل وعسى القيمه ارخص وارتاح لشغله اول ماشافني سالني متى زواجك قلت له تقريبا لسا بقى سنه قال الترهل كثير وغير كذا عندك مناطق دهون بجوانب الظهر والافخاذ

شرح لي كيف بتكون العمليه بتكون فقط شفط قلت له يادكتور انا عندي ترهل قال اول شي نعمل شفط للجوانب والافخاذ وعلى امل انه الجلد ينشد مع المشدات مااقنعني كلامه اي عملية شفط لمنطقه دهون اكيد راح يصير ترهل قال نقول ان شاء الله مايصير في ترهل ولو صار تجيني بعد 3 شهور اعمل لك شد

قلت له على فكره ويديني اقصد ترهل الزنود اللي هي الذراعين قالي انتي مسويه قبل كذا عمليه قلت اي نعم سويت عملية شفط بالكول ليبو (شفط بالليزر) ومااعطاني النتيجه الكويسه

قال ان الليزر باليدين يعمل تمزق بالالياف لذلك مااقدر اسوي فيها شي بس تجميل شد بس اشفط منها مااقدر

مااقتنعت بكلامه ولا ليه حطو عمليات تجميليه صراحه وغير كذا حسيته مادي يعني يبي يسوي لي العمليات على دفعات اول مره شفط وننتظر ونتامل يشد الجلد واذا ترهل تعالي نسوي شد


مع العلم ان اغلب الاطباء الحين يعملو شفط وشد وانا مو سمينه حسسني ان وزني 100 انا الحين وزني 66 وطولي 161 بس عندي مناطق بجوانب الظهر والذراعين والافخاذ دهون ويبي لها شد


وطلعت من عنده متحطمه ونفسيتي زفت كل مااتذكر ان عرسي بقى له سنه وانا ماعملت شي وغير كذا عملية شفط الجوانب من الظهر فقط بدون شد وتجميل الذراعين شدها بتكلفني عنده 35000 هذا وهو بدون شد


وانا متحطمه يابنات بليز اللي عملت شفط وشد للدهون بالظهر وبالذراعين والفخذ تقولي وين عملتها ابي تجارب


البنات طبعا عمليات جراحيه لان انا مانفعني الليزر

شفط الدهون بالليزر ينفع للبنات اجسامهم مشدوده وعندهم كمية دهون مو بنت مترهله وفيها دهون

غير التشققات والبلاوي الزرقاء اللي بجسمي

قررت اروح عند اكثر من طبيب شفت تجارب لبنات عند دكتور عبدالله الثنيان مابين مدح وذم وبرضه عملت موعد عند دكتور بشر الشنواني بمركز النخبه الطبي

واتصلت على عيادة بنان عند دكتور فواز بيدس مدحووووه بالنت ردت سكرتيرته تقول مواعيده مسكره سنه كامله

حلوني ارجوكم نفسيتي محطمه مو عارفه وين اروح واسعارهم نار اذا بسوي الذراعين والجوانب 40000 اجل الافخاذ كم بتاخذ


ابي تجارب لبنات عملو هالعمليات وطبيب ماهر واسعار معقوله بالرياض
يابنات تكفون ساعدوني الله يفرج همكم دنيا واخره تكفون لاتتركوني انا في حاله نفسيه سيئه الاطباء مره يحطمون بالاسعار والنتايج


سوال الحين هالفنانات كل يوم عمليات ومافيهم ولا خط ولا هالخرابيط اللي فينا ويقولولنا نتيجه العمليه مو مضمونه وفيها تشويه



لاتقولو لي ايمن حلمي اسعاااااره نااااااااااااااااااااااااااااار ابي ردودكم تكفوووووووووووووون لاتنطنشوني الله يفرجها عليكم :44:

انتظر ردودكم يابنات الله يجزاكم خير