ابي حل

السلام عليكم ...............
انا تزوجت من سنتين وعائلة زوجي تتكون من 9 :arb:شباب و4 بنات
ولان ام زوجي كانت أكيد تتمنى يجيها بنت بعد العيال جاها اربع ومدلعتهن على الاخر
حتى أخوانهن أكبر منهن مايقدرون عليهن
أكبرهن في الكلية والصغيرة في المتوسط
الشباب في منهم متزوجين وفي منهم اللي يشتغلون برا يعني البيت مافيه إلا البنات والشيبان
الام والاب ماعليهم كلام أخلاق وطيبة ولايتدخلون بشي أهم ماعليهم هالبنات والبنات نفس الشي بحالهن

نجي للمشكله ....................... البيت مافيه شغالة ولايحتاج اصلا لان مافي احد صغير بيحوس البيت

بعد زواجي اول زيارة لهم قبل ماأدخل للبيت قال لي زوجي لاتتفاجئين باللي راح تشوفين تتعودين مثل ماتعودنا
دخلت البيت :32: استقبلتني ريحة :09: الحوش عبارة عن مكب نفايات
وأهل البيت جالسين بالحوش الفرشة يمر عليها الليل والنهار والهواء والغبار ماتحرك من مكانها
انا انفجعت المطبخ قدام اللي يجلس مباشرة (:3_13_12: مو زي الصورة العكس المواعين يمكن لها سنين ماغسلت
طبعا المعروف ان القهوة والشاي تقدمينها بصينية وحدة اللي شفت غير ترمس القهوة بصينية خشب صغيرة
والشاي بصينية بلاستك والكاسات والفناجيل بطاسة ماء
زوجي يقول تبين خواتي يكرهنك تكلمي بالنظافة خلاص أمي ربتهن على هالشي لاتوجعن انفسكن لان الام أصلا كذا
ماتعودت على هالشي لي سنتين ماشفت البيت نظيف الا بالاعياد ومو ذيك النظافة
أنا اروح لهم كل يوم خميس المطبخ على حاله الصاله ماتلقي مكان فيها من الحوسة الحوش الحمامات شعارهن لا لنظافة غرفتهن لما اجي عندهم يسكرن الباب لان مره شفتها بالصدفة الملابس طالعة من الدولايب والمشكله الاكبر ان الام الله يهديها لما يجيب لها واحد من العيال فرشه جديدة اوترمس جديد تزعل وتقول أنت فسقان وتحطهم بالمخزن وتجلس على فرشتها القديمة
لماي يجيهن ضيوف من الجيران او اقاربهن يكنسن المجلس فقط ويقدمن لهم نفس ترامس البيت وصحون تمر مافيه يقدمن التمر بصحون الشوربة والله ماابالغ هذي حقيقة للاسف أنا غريبة عنهم وحريمهم الباقيات بنات اعمامهم وحده منهن لاحظت من يوم جيتهم مايسلمن عليه ليششششششششششششششش لانه مره أخذت البنت الكبيرة على جنب ونصحتها والكبيرة اذا زعلت تلقائي الباقيات يزعلن والله صرت اكره اروح هناك واذا رحت القهوة بطلوع الروح اشربه زوجي يقول مافي أمل يتسنعن ويقول مره جبنا شغاله وحرم ابوي يجيب لان البيت صار اوسخ من الاول أمي والبنات نايمات والشغالة ماتشتغل يعني زيادة عدد (وش اسوي معهن)

انا اقول لزوجي خلني اكنس الحوش يقول اتركي كل شي لانك بتصيرين عدوه بنظرهن