ابي حل نهائي للقمل وبيوضه😩

ماعرف

عليك بشامبو القمل مع المشط الخاص لنزول بيوضه

هلا حبيبتي 😘
الله ايكون بعونك ياقلبي😩💔
شوفي المعروف اللحين وقت مدارس وهالشي يكثر ترى زي المرض بقلك على شي انا طبقته ع بناتي والله العظيم مانفعني شي غيره بعد الله اكيييد
الاستغفار ثم الاستغفار ثم الاستغفار اكثري منه والله إنتي حتشوفي كل حياتك حتتغير باِْذن الله
المهم أختك فالله كنت مثلك ابي أتخلص منه فيوم بس هالشي أبداً مستحيل ماعليك الا انك تصبري أسبوع بس تمسكين فيه بناتك يووم ايه يوم لاء خلطااات وانا سويت كدا
اليوم الاول ماي القرنفل حطيته ع شعرهم ساعتين وغسلو
يوم راحه امشطهم وافتشهم
اليوم الثاني حنه عجنتها بماي القرنفل مع بيض مع شوي خل
يووم راحه وتفتيش عادي
اليوم الثالت حمام زيييت زيتون للشعر كله وتتركينه قد ماتقدرين حتى لو يضل لليوم الثاني عادي
يوم راحه
اليوم الرابع مايونيز مع خل لا تكثرين خل بس ملعقتين
لكل كوب مايونيز
ويوم تغسلين شعر بناتك حطي شوي تايد مع زيت زيتون وبلسم وامشطي بالمشط حق القمل وبعدها غسليهم بمويا ضايفه عليها شوي خل نطافه ولمعان مو طبيعي للشعر
ولاتنسي ضروري تغيييرين كل المفارش والفوط يالي عالسرير والمخداااااات أكيد واستمري يوم تفتيش عادي يوم لا والله في ضرف أسبوعين وماشفت ولا 🐜💣🔪 الحمدلله حمداً كثيراً طيباً مباركاً فيه
اسفه ع الايطاله 😁💔 بس حبيت افيدك بشي صح

بجاوبك بدون احراج ... آنا بنتي جاها مع المدارس
مارح اقلك جربت كل الحلول لكن
جربت التفلايه واعطت نتيجه حلوووه .. لكن للاسف ظهري تعب ورقبتي بعد لانه كل يوم افليها
طبعا راح من شعرها القمل الحمد لله
السنه البعدها رجع القمل مع المدارس
دخلت النت وابحث وابحث ... اخذت اسهل الحلول 😁 والحمد لله رااااح يارب لك الحمد
تجيبين كريم الشعر فاتيكا او صانصيلك او غيره .. تجيبين شعرها وتقسمينه اقسام كثيره وتملين الفروه بالكريم وجذي كل الاقسام وتغطين شعرها من بالليل للصباح .. والصباح تمشطيه بمشط القمل الحديدي .. والله انه يطلع القمل بالمشط ميييت الله لااايرده ... وتكررين هالعمليه كل يومين اي ويوم راحه ... جذي لمده اسبوعين لان اكيد يكون بيه بيوض وبعدين تفقص
وان جربيتي الطريقه ونفعت معاج .. ادعيلي الله يفرج همي وويسر امري ويصلحني ويصلح زوجي واولادي وبناتي وكل المسلمين

انا بنتي روضة اول سنة انصدمت شفت قمل في راسها .. لانه مدرسة كبيرة و معروفة باهتمامهم و انا جنيت لانه موسوسة نظافة .. استنيتها ترجع من المدرسة و على طول للحمام غسلت شعرها بشامبو القمل و خليته على راسها خمس دقايق و غسلتها عادي و بعدين رشيت شعرها ببخاخ القمل و جاء معاها مشط .. لازم ترشي البخاخ و شعرها مبلول لانه يسوي رغوة حفيفة و حطيت كيس على راسها و طلعتها برة و على بال ما اكلتها عدت ٢٠ دقيقة رجعتها الحمام شطفت راسها بالموية زي ما مكتوب على علبه البخاخ بدون شامبو و انا اشطفها امسك المشط و امشطها تحت الموية .. و طلعتها و ايتشورت شعرها باستشوار الهواء تنشيف بس و الحمدلله لقيت كم قملة ميتة لاصقة و اليوم الثاني كررت نفس الشي و الحمدلله ما عاد شفت .. الشامبو و البخاخ من النهدي ..