ابي خبرتكم وفزعتكن يااحبيباااتي ..

الله يوفقك يارب

تسلمييييييييييين قلبو..

الاهالي لما يبغو يحطو بناتهم عند مدرسة خصوصية ما يبغو لا برامج و لا شي ، يبغو البنت تكون فاهمة الدرس و تنجح اخر السنة و تقارير الشهرية تكون نتائج حلوة ، اخر همهم تسوي لهم تنظيم مذاكرة او اي محفزات ، و اهم شي عندهم الاسعار ،، \
عشان كده لا تتعبي نفسك بس حاولي توفري غرفة فاضية في بيتك ، تستقبلي فيها كل ساعتين 4 طالبات ، يعني الساعة 4 العصر تبدأي تستقبلي 4 طالبات و بعدين الساعة 6 برضه تستقبلي 4 طالبات و بعدين الساعة 8 لين الساعة 10 . تأخذي على كل طالبة 250 ريال ،، انتي تستقبلي في اليوم 12 طالبة ضرب 250 يساوي 3000 ريال شهريا ، و اهم شي عندك المواعيد تكلمي اهاليهم ساعتين و يجيو يأخذو بناتهم و قولي لو جلست خمس دقائق زيادة ما راح استقبلها مرة ثانية ،، عشان يحترمو مواعيدك و لانه في طالبات غيرهم راح يحضرو و راح تهتمي فيهم و اذا اي وحدة اخرت بنتها بدون ما يكون عندها سبب طارئ ، قولي لها لا تجييها مرة ثانية عشان يعرفو انك صارمة و بعدين اتنازلي و قولي لها اخر مرة ،، بس عشان تنظمي وقتك ، و قولي لهم الدفع مسبقا ،، وحدة من صحباتي اتوفى زوجها الله يرحمه مسوية نفس النظام و ما شاء الله عليها مبسوطة و فاتحة بيتها ، بس هي كمان في الصباح تستقبل بنات اللي لسه ما دخلو المدرسة بس عشان تأسسهم صح و تأخذ عليهم 150 ريال ساعة وحدة بس يوميا ،، و برضه تطلع مبلغ حلو ،، و الخميس و الجمعة اجازة طبعا محد يحضر منهم ،، فقط ايام الاختبارات الخميس يجو ، الاهالي ما راح يدفعو اكثر من 250 و مهما سويتي لهم محفزات ما راح يدفعو عشان كده اعطيهم حقهم و خذي حقك ،، و المشروع ناجح جدا ، بس يبغالك تعملي دعاية لك في المنتديات عشان يعرفوك الناس و حاولي تبعدي من بنات جماعتك لا تدرسيهم ، تعرفي كلامهم كثير و بكرة الساعتين يقولو لك خليها 3 و 250 ريال يقولو لك سوي لنا تخفيض ، اما البنات اللي ما تعرفيهم تقدري تقولي لهم اسعاري محدد ة اما تبغو او لا ،، بدون مجاملات و كمان ايام الاجازات تقدري نفس الطالبات او غيرهم تحفظيم القران بمبلغ بسيط فيها فائدة و اجر لك و الله يوفقك

بالتوفيق أختي

ررفع لعيوونك غاااليتي
والله الموووفق