ام حمووودي 2 @am_hmooody_2_1

عضوة جديدة

ابي رايكم قراري صح او اتنازل وارجع له / استوفى الردود

السلام عليكم
سجلت في المنتدى عشان اكتب مشكلتي وياليت تساعدوني وتقولون لي القرار الي اتخذته صحيح او لا لانا الكل يلومني ويقول اني غلطانه
مشكلتي طويله وبحاول اختصرها
انا عمري 22 سنه امي منفصله عن ابوي من انا صغيره والحمد لله تربيت اتنقل بين امي وابوي ومو ناقصني شي الحظ والنصيب خلاني اتزوج رجال متزوج زوجته ماجابت عيال وتم كل شي بسرعه في اقل من شهرين تزوجت وبعد الزواج اكتشفت انا الرجال يموت في زوجته الاولى ومايبي يتزوج عليها بس اهله غصبوه يتزوج لانه ولدهم الوحيد والباقي بنات في البدايه رفض وقال ابوه اذا ماتزوجت انت مو ولدي ولا اعرفك واعتبر نفسي ماخلفت لا بنات ضل فتره ما يكلم اهله ولا يدخل بيتهم وبعدين رضى يتزوج بس عشان اهله
هو بنفسه الي قال لي هالكلام بعد الزوج حسيت الوضع غريب كلا ساكت وما يكلمني وطويل يومه جالس على النت او ماسك جواله
وقالي انه مو متعود انا تكون عند زوجه ثانيه وبيت ثاني وطلب مني اصبر عليه لين يتعود وانه ماراح يقصر معاي بشي وما راح يضلمني بس حبه الاول والاخير لزوجته الاولى انا قلت له طيب وش ذنبي انا قالي انتي مالك ذنب وانا بعد مالي ذنب اهلي هم السبب وما علينا الا الصبر
سكنت في شقه في بيت اهله اهله مره طبيبن معاي خواته عسل تعودت عليهم بسرعه بنات من عمري واكبر مني اليوم الي يكون معاي وجوده مثل عدمه لا كلام ولا شي واليوم الي يروح لزوجته اكون مع اخواته نسولف ونسهر احس اني زوجه بالاسم بس العلاقه بينا معدومه كم مره بس وكاني جثه يخلص شغله ويقوم من غير كلام ولا شي
تعبت من هالوضع وكل ليله دمعتي على خدي ليش يصير فيني كذا وبعدين قلت اصبر يمكن يتغير هو وعدني انا يتغير وطنشت مثل ما هو مطنشني وصرت استنانس مع خواته وهو اذا جى حياه الله وانا ماجى بكيفه وما همني فيه
تأخرت علي الدوره وكلمت امي قالت يمكن حامل قلت في نفسي وشلون احمل وعلاقتنا محدوده ( كنت افكر الحمل يصير اذا كانت العلاقه كثيره ومستمره )وجات امي ودتني المستشفى وحللت طلعت حامل انصدمت ماكنت متوقعه وخليتها تعيد التحليل وقالت لي مبروك في حمل حسيت بشعور غريب وشلون بصير ام وفرحت قلت يمكن يتغير ويحبني اذا عرف اني حامل رجعت البيت وقلت له وبشرته حسيت من ملامح وجهه تغيرت وقالي مبروك نزلت وبشرت خالتي فرحت لي وربي انا دمعت عيونها هي وابو زوجي من الفرح
في بدايه الحمل جلست عند امي ورجعت ونفس الشي ماتغير كل همه اني اكل كثير والله اهله بخافون علي اكثر منه
كل ماقلت له ابي اطلع قالي لي تعبان ماله نفس يطلع قلت ابي اروح مطعم مايرضى وزوجته كل مكان يوديها قلت اصبر لين اولد يمكن يتغير ويتعلق فيني انا والبيبي
يوم بيجون ناس يزورن خالتي ونفس الوقت بيشوفون اخته عشان يخطبونها قالي لا تنزلين بيت اهلي يبي يجيب زوجته الاولى وما هي ماتبي تشوفوني قلت حق خالتي وبنتها عصبو قالو نزلي ومعليك منها كل يوم انتي معانا واليوم ماتصيرين معانا وهم يسألوني عني يبون يشوفوني بعد تجهزت ونزلت وجت زوجته وشافتني يالله عصبت ومارضت تدخل للضيوف جلست في غرفه ودقت عليه جى بسرعه عشان ينقذها مني سب فيني وعصب ليش نزلت وما سمعت كلامه قلت له امك قالت لي قال لي ليش تسمعين كلامها المفروض كلامي الي تسمعيته وقال اني مو متربيه قلت انا مو متربيه قالي ايه منو بيربيك الام في جهه والابو في جهه وقالي انا زوجته الاولى تاج على راسه وانا تحت نعاله وقسم بالله انصدمت من كلامه وزوجته واقفه تضحك وتبتسم علي انا ما رديت عليه عشان لا تزيد فرح علي واطلع خسرانه
قلت له بس مب ارد عليك احترام لخالتي بس قالي تبين تسوين نفسك طيبه يعني وهي وربي ميته من الضحك
خالتي وبنتها استغربو مني وشلون صبرت وملكت نفسي وما رديت عليه
كل هالي صار والسب الي سبني طلعت زوجته الزعلانه واحتار وشلون يراضيها تخيلو وشلون راضها حجز لها في مطعم وقال لهم يرتبون كل شي وقال لاختها تتصل على صديقاتها وتعزمهم من غير ما تدري يبي يسوي مفاجئه لها ويبي يبين لهم انا هي حبه الاولى والاخير والحمد لله والشكر جلس وسط الحريم يقطع لهم كيك وكل صديقتها متزوجات وشلون رضو ازواجهم لهم وزوجته تبي تقهرني تصور وترسل لاخته في الوتساب امه وابوه عصبو عليه ليش يسوي كذا وهو مب صغير او مراهق عشان يسوي كذا ويجلس وسط حريم
مابقى احد ما قالت له انا قال انا تحت نعاله وتقول انا لو اجيب عشرين ولد ماراح يحبني كثرها وشوهت سمعتي بين الناس
قلت له ابي اجهز للبيبي ماعنده فلوس صبري قلت اصبر لين اولد تجهيزي للبيبي من امي وابوي ومن اهله هو مسكين ماعنده مخليته على الحديده
ولدت الحمد لله وجبت حموووودي وهذي الحسنه الوحيده الي خذتها من هاالزواج
احس اني كرهته وتعبت من الصبر وكل ماذكرت زوجته وضحكها علي انقهر قلت مب ارجع له الا لين يتعدل ويصير رجال ويعاملني كزوجه ويعطيني حقوقي كامله
يجي لي ما اشتهي اجلس معاه اخلي خالي اذا موجود يودي له ولده لانا هو مايبيني يبي ولده قلت له خلاص كل واحد يروح في طريقه انت تزوجت غصب عشان العيال وهذا الولد جى طلقني مارضى يطلق قلت له مب ارجع الا لين يعتذر لي قدام زوجته الاولى وهو مب راضي مايقدر عليها يبي ارجع معاه كذا بس من غير مايغير شي
اهله حاولو فيني واهلي مايبون اطلق وانا مصره انا يعتذر مني قدام زوجته ويبن لها انه يحبني واني ام عياله
امي خايفه علي ما تبي اصير مثلها اجيب واحد واطلق واعيش وحيده والولد يضيع بيني وبين ابوه
شسوي ما ابي ارجع له بكل بروووود ابيه يحس على دمه ويقدرني ويعرف قيمتي
قراري صح واصير مصره عليه ولا راح اخسر ؟ لو كنتو مكاني وش بتسون

عذروني كلامي طويل واذا كان ملخبط لاني اول مره اكتب موضوع

170

24K

هذا الموضوع مغلق.

الحور العين🕊 • 11 سنة

الله يكون في عونك
ان رجعتي بيعاملك مثل قبل
وان مارجعتي بيطنشك !
الافضل ابوه وامه يتدخلون بالموضوع ويكلمونه بحزم وجديه ويقولون له يعدل بين زوجاته << وفرصه دام ابوه وامه تمام معك اطلبي منهم هالشي وانك ماودك تتطلقين بس هو عايفك وتبين ترجعين عشان الولد يتربى بين امه وابوه ..
وانتي لازم ترجعين بشرطك انه يعتذر لك قدامها .. مو شرط يبين لها انه يحبك لانه اساسا ماعنده هالمشاعر بيكون تمثيل منه وصورتك ماراح تكون حلوة قدامها
ع الاقل يعتذر عن الكلمة الي قالها حطيه شرط اساسي لرجوعك

الله يسخره لك يارب

معصوبه بالعسل • 11 سنة

الله يعينك ويفرج همك

من حقك تطلبي الاحترام من زوجك انتي تزوجك على سنة الله ورسوله

ماجابك من الشارع عشان يعاملك كذ1
ومثل ماهي مرته انتي كمان مرته

لا تسكتي عن حقك
وشرع الله واضح

ما اقول لك اظلميها واظلميه
قولي ابغى العدل الي يعطيها يعطيني

ما ابغى ازيد او انقص

يحترمني

يقدرني

يحبني

ابي احس اني متزوجه ما ابغى احس اني متزوجه بالاسم فقط

انتي اصري على كلامك وفهميه بالعقل ان لك مثل الي لها

وشيلي فكرة الطلاق تبين ولدك يعيش مثل ماعشتي بحرمان وتشتت

انتي اعطيه درس واطلبي حقوقك فقط

والغلط من زوجك مو من زوجته الاولى لانه رخصك عندها
ولا المفروض يقول لها كلكن زوجاتي ومو مسموح اي وحده تغلط على الثانيه

زوجك مهووس بها فأصبري الحب ما بيجيك بسرعه
بس اقل شي اطلبي الاحترام وان اي مناسبة تكوني فيها لانك زوجته وام عياله وهي لو ماتبي تجي بكيفها مو يحكم عليك لا تروحي عشان زوجته الاولى تجي

زوجك الغلطان وانتي مثل ماقلت لا تتنازلي عن حقوقك بالتوفيق

راحلة بسكاات • 11 سنة

ياااعمري الله يصبرك يارب صراحه زوجك وقح وزوجته اوقح منه كمان بس وش ذنب حمودي ياعمري عليه دائم الاطفال يكونو الضحيه وانا من رأيي انك تصري على موووووقفك ولاترجعي الا برضوه بس اخاف من زوجته الاولى الحين تلاقيها ماصدقت خبر وجالسه تززن عليه يطلقك ويسحب الولد منك وتجلسين بحسررررتك وذيك الساعه وش تسوووي فككككككري زيييييين على قولتك زوجته الاولى لها تاثير كبييييير عليه اذا شفت مافيه فايده يراااضيك ارجعي وحااااااااولي تكسبيه باسلوووب حلوووو الرجال زي الاطفااااال اكيد فهمتي قصدي والله يوفقك

.جمااانه. • 11 سنة

يابعد عمري انتي والله وضعك مره صعب لكن قرارك حلو وانا معك عشان يعرف قدرك ومقدارك
وش الفايده ترجعين له وهو اسلوبه كذا معك .؟

ترى وربي مو قصدي اخرب بينكم لكن ابيك ترجعين له بكرامتك مثل ماهانك قدامهم يعتذر لك قدامهم

واستخيري الله بكل لحظه وعليك بالدعاء والصدقه الله يفرج همك وييسر لك امرك عاجلا غير اجل

.جمااانه. • 11 سنة