ابي شوركم عن وضعي و وضع خطيبي

السلام عليكم ورحمة الله وبركاته :hearts:

مالكم بالطويله بقولكم السالفه من أولهآ


انا مملكه من ولد خالتي لي سننننه بالضببببط ، ولد خالتي على اساس من قبل لا نملك وهو يحبني ويبغاني من لمى كان يدرس
توظف وخطبني و وافقت
عمري 21 سنه ، عمره 24 سنه
اول ما ملكنـآ .. صار يكلمني وبيننا مكالمآت وكذا
شيء طبيعي اني ما راح احبه على طول :mad2: بعكسه هووو من رابع يوم يقولي احبك من زمان و...الخ
وما كملنا اسبوع ويقولي ابي كلام حلو ويضضضضضضغغغط علي واقوله لا بدري وانا لسى و ما تعودت وكل شيء بوقته حلو

وهو مستعجل على كل شيء .. كل شيء كان يطلبه مني كنت اقول بعدين .. ويكون معي حق ف كلمة بعدين
بس هو ما يقتنع ويدقني ب الكلآم يعني صار لمى يطلب شيء يقول ايييه الحين بتقولي بعدين !!

انا من يومهآ لين الحين وانا ما تعودت اقوله كلام حلو بسسس فـ البيبي او الواتس اكتب له واقوله
اما لمى يكلمني صوت استحي وما اقول شيء ابد
اوقات احس نفسي اجامله واني ما احبه فعلا
واوقات لو شفت انه مقصر علي او سآحب انغبن :dry:


،، طيب ذاا القسم الاول عشان تكونون بالصــوره

نجي للشيء الثاني
هو كل وحده وخطيبها او زوجها لازم تقوله على كل شيء يضايقها ؟؟
لازم تحسين نفسك قريبه منه وترتاحين تفضفضين له عشان يكون هو الزوج المناسب ؟؟

قبل كم يوم يقولي ما قد حسيت نفسي قريب منك ما اعرفك من جوا

يعني انا دايم اقوله سويت وحطيت ورحت وجيت وبسسسسسسس
اقوله عن شخصيتي وكيف انا تفكيري ونتناقش بمواضيع عادي

اما اقوله ع الشيء اللي يضايقني لا ماآ اقول لأن انا شخصيتي كذا كتومه ما اقول شيء ل احد ابد

وما حبيت افهمه ذا الشيء ، قلت له لا ما اقولك لأن م يكون فيه شيء يضايقني اصلاً

وغير كذا يقولي انتي قليلة كلام انا ابيك تزعجيني ، ولمى اسولف يقولي اييه ووش بعد وش الاخبار ؟ اقوله ابد مافيششش ، يروح يقولي اها متى صار فيه اصلاً ؟؟؟



من لمى قال متى صار فيه اصلاً احس نفسي غاثته ومتحملني بس عشاني بنت خالته :icon33:

مره قالي قولي لي كلمه حلوه ، وقلت له وضحكت وقلت الحين بتنبسسسط قالي هه ! شفتي انتي تحشين نفسك لو انك معودتني عليهآ كنت بحس بشيء احلى من اني افرح !!!!!!!!!!!!!!!!!!


كلمته خلتني من اضحك ل :icon33:

بدال ما ترد علي بكلمه زينه تقولي انتي تحشين نفسسسسسك ؟؟


وربي انسدت نفسي ندمت اني فكرت اتزوج حالياً :icon33:

احس مو قدها :icon33:

ابي نصايحكم ابي اي شيء يخليني ابطل الحياء اللي انا فيه
ابي اشياء تقنعني فييييه ، انا كنت مقتنعه فيييه 100 بالميه بسسس كلامه لي يعور احيان ما اتحمله :icon33:

صرت اسلك لعمري معه :unhappy:

اسفه لو طولت عليكم لكن عشان ابي اراء :pinklove2