ابي شي يزيد الوزن

ماعندي علم بالنسبه للفصيله
وبالنسبه لشي يسمن حبوب غذاء ملكات النحل

• اسمني بطريقه صحيه ، مثلا اشربي حليب كامل الدسم وحليه بعسل ومكسرات مثل الجوز وعين الجمل و...الخ
• توست ابيض مدهونه بزبده فول سوداني مع موز وعسل وبعد
• لا تاكلين اي فاتح شهيه لانك بعد فتره بتصيرين فيل ولا تاكلين فيتامين بدون وصفة طبيب ومن رايي اذا صحتك كويسه وماعندك فقر دم لا تسمنين

بما انك تبحثين عن شي فيه فوايد وفيتامينات

على الريق وبين الوجبات اختاري اللي يناسبك من هذي الاطعمه اللي تسمن




1- عدد 5 إلى 7 تمرات غمسيها بفنجان طحينه سايله واشربي بعده كوب حليب .

2- ماش مطحون الكميه اللي تناسبك مثلاً كل 5 أو 7 تمرات لهم ملعقه كبيره ماش ثم قلبيه على النار مع سمن او زبده واضيفي له تمر منزوع النوى واعجنيه وكوريه او اعمليه اصابع ثم رشيه بسمسم وجوز هند وتقدرين تحشينه بمكسرات .

3- عدد 2 موز كليها واشربي بعدها كوب حليب مضاف له ملعقه عسل .

4- كوب كبير مكسرات مشكله كليها واشربي كوب حليب وملعقة عسل .

5- عدد 4 ملاعق دبس التمر كليها مع نص كوب عين الجمل او اي نوع مكسرات واشربي بعده كوب حليب .

6- هذي الوصفه كلها سكريات ودهون احس مافيها فوايد لكنها تسمن ، 2 ملعقه كبيره من كل نوع : نوتيلا + زبدة الفول السوداني + حلاوة طحينيه + كوب حليب .




التمر والطحينه او التمر والماش او اخر وصفه كثير يمدحونهم ان النتيجه تبان من الاسبوع الثاني

اخر شي بضيفه للرد السابق

الماش المطحون يعتبر بديل عن الحلبه في التسمين

يعني خذي ملعقتين ماش مطحون اضيفيها لكوب حليب ساخن مع ملعقه عسل واشربيه على الريق وقبل النوم يسمن خاصة المناطق اللي تحت .

في خلطات كثيره باليتيوب ومجربه شوفيها