~ دلوعة دبي ~ :

أول شي حطي طحين أسمر تقريبا 3 أكواب وملعقه كبيره بكنج بودر ونص الملعقه ملح وأعجنيهم بمويه دافيه أقل من الطحين >>>أنا أعرف بالنظر ماأعرف احدد وأعجنيهم شوي لين تشوفين الطحين مختفي وتصير عندك العجينه زي المرقوق مو سايله ولا جامده أتركيها ترتاح نص ساعه وراح تنتفخ بشكل بسيط وحطيها بصينيه وبالفرن زي الكيك بالضبط بس خلي النار هاديه ولاتقربينه حيل وأتركيه تقريبا ساعه الا ربع بعدين من فوق وطلعيه ولما يبرد شوي حطيه بالفرامه >>>أنا أفركه بيديني زي العجينه وأنا أفرك أحط بصل مقطع صغار وسمن وبس سويه وبشريني لما يضبط

أول شي حطي طحين أسمر تقريبا 3 أكواب وملعقه كبيره بكنج بودر ونص الملعقه ملح وأعجنيهم بمويه دافيه...

بنتـ سليمان :

هل قصدك الثريد حق أهل نجد ؟ .. له عدة أسماء أحد يسميه .. ثريد خبزة مفروكة فريك حنيني خبزة .. طريقتي .. طحين برمعه ملح من الطحان وهو الأفضل يعجن بماء وسمن والعجينة مثل عجينة المرقوق ولا تحتاج تخمير ويخبز على الصاج ويقلب مرة وحدة ويفرم في فرامة اللحم حتى ينعم وبعدين تسوين كشنة بصل قطع صغيرة محموس في سمن بلدي ويحط شوي ماء عليه وصلصة وفلفل أسود مطحون وبزار نجدي وحبة ماجي تعطي طعم وسكر وإذا تسبكت تحط على الخبزة المفروكة وتقلب زين وبعدين على النار ويقصر عليه جدآ عشان ما يحترق نصف ساعة إن شاء الله تظبطينه .. وأي استفسار انا جاهزة ليت بيتك قريب عندنا كان أرسلت لك منه

هل قصدك الثريد حق أهل نجد ؟ .. له عدة أسماء أحد يسميه .. ثريد خبزة مفروكة فريك حنيني خبزة .....