ابي طريقة شاورمانفس المطاعم نفسي اتعلمهاصح اللي تضبطهاتقول دايم تطلع ح

رفع

ابشششششري اعطيك اطلق شاورما و ربي ان حقة المطاعم ولا شيء جمببببها

بنزلها موضوع 🌺

شهيتيني عامله ريجيم وشكلكم ناويين تخربوه هههه
ننتظرك

الشاورما سواء دجاج او لحم اهم شي تحرصين على التتبيله



لحم او دجاج مقطع بالطول مثل الشاورما الكميه اللي تناسبك



هذي بهارات للتبيل :

نص ملعقه كبيره كل من : كمون ، كزبره ناشفه .

نص ملعقه صغيره كل من : هيل مطحون ، زنجبيل بودره ، فلفل اسود ، بابريكا ( فلفل احمر حلو ) ، ثوم وبصل بودره .
ربع ملعقه صغيره كل من : قرفه ، قرنفل مطحون .



اخلطيهم مع بعض واضيفي لهم ملعقتين كبار خل وعصير نص ليمونه وملعقتين كبار زبادي وملعقتين كبار زيت

اخلطي اللحم او الدجاج بالتتبيله وغطيه ببلاستيك واحفظيه بالثلاجه على الاقل ساعه او اكثر عشان يتشرب التتبيله ويطرى من الخل ثم طلعيه من الثلاجه قبل الطبخ بشوي خليه ياخذ درجة حرارة المطبخ ثم حطيه بمقلايه على النار وحركيه شوي ثم غطيه ينضج وارجعي مره ثانيه حركيه وحطي ملح حسب ذوقك وغطيه يكمل استواه واذا حسيتي انه لسه مانضج او نشف كثير زيدي ماء شي بسيط وغطيه واذا نضج شيلي الغطى واتركيه على النار الى ان ينشف من السوائل .


اعملي له صوص مكون من 4 ملاعق كبيره طحينه + 2 ملعقه كبيره ليمون + 2 ملعقه كبيره زبادي + 4 ملاعق كبيره ماء + رشة ملح وفلفل اسود

اخلطيهم مع بعض واذا احتاج ليمون او ماء زيدي عليه حسب الحاجه .