ابي طريقه تخلي الرز مفلفل

السلام عليكم ورحمة الله
كل عام وانتي بخير يارب

حبيبتي انا ما اعرف وش نوع الرز اللي انتي تستخدمينه
بس انا استخدم الشعلان
او الوليمه

طريقتي : احط ملعقتين اكل زيت على النار واحط الرز المغسول عليه واقليه شويه بس
يعني اخلي كل حبة رز تاخذ من الزيت ولا حسيت انه صار حار احط مويه مغليه عليه

عاد لا تسأليني كم احط مويه لاني اخلي المويه فوق الرز بمقدار انش تقريبا
يعني مو اكثر لانه طبيعي المويه الزايده تخبصه
ولا نشفت المويه اقصر عليه مررررررررررررررررررررررره واخليه 10 دقايق على راحته
بيستوي هو من البخار
ان صار شويه قاسي زودي ملعقه مويه بس
عشان يطلع طعمه حلو الرز حطي معه حبة فلفل اخضر
يطلع جنااااااااااااااااااااااااااان:icon28:
وعليك بالعافيه :

اختي اذا كنتي بتسويه مع لحم او دجاج خلي الماء قليل ولما تحطي الرز خليه على نار متوسطه او عاليه نوعا ما لما يبدا يطبخ احسبيله 5 دقائق ثم وطي عليه النار وخليه على نار هادئه الى ان يتم نضجه وبعد ان يجف الماء شوفيه اذا محتاج شوي اضيفي عليه شوي ماء حار وخليه لما يجف ثم اضيفي قطعه صغيره زبده وادهني ها على وجه الرز وغطي القدر 7 دقائق قبل التقديم واذابتسويه رز ابيض : طبعا يكون الرز مغسول ومنقوع في الحالتين سوى مع الحم او ابيض ثم تجيبي نص قطعة زبده وتحطيها في القدر على نار هادئه وتضيفي معاها 10 حبات هيل وتقلبيها لما تاخذ طعم ورائحة الهيل بس بدون ما يتغير لون الزبده ثم تصفي الرز من المويه وتقلبي الرز مع الزبده حتى ياخذ طعم الزبده والهيل ثم تصبي عليه الماء الحار ويكون بس مغطي الرز يعني مو كثير عشان يكون مفلفل ولما يطبخ تهدي عليه النار وتخليه لما يجف الماء وتطفي عنه النار وتخليه دقائق عشان يكمل نضجه وهذي طريقتي وكل احد ذاقها عندي يسالني عن نوعية الرز يحسبو الطعم في الرز مايدروا ان السر في طريقة الطبخ واتمنى اني ساعتك واتمنى دعوه طيبه بظهر الغيب ان الله يحفظلي اولادي وزوجي ويحفظني لهم ويجعلنا من عباده الصالحين في الدنيا والمقربين في الاخره انهو على كل شي قدير

حبيبتي كميه الماء هي السبب

هذا الشي اللي جلست اعاني منه 3 شهور بعد زواجي

واللحين الحمد لله عرفت اضبط المويه ويطلع مفلفل

حبيبتي قبل تطبخين الرز انقعيه بمويا ملح

واطبخيه بطريقةالاخوات فوق



راح تدعيييييين لنااا



بس اهم شي والسر بالمويا والملح اللي نقعتي فيه الرز

اذا تبينه نثري
اخذي طريقتي

اولا جربي المهيدب اوباب الهند ""كلاسيك""
نقعيه من تسوين اللحم على طول نقعي العيش يمكن ساعه او اقل بس مو اقل من ربع ساعه
بعدين حطي ماي بالقدر وحطي حبات هيل وعود دارسين صغير وحبه لومي وثومه مهروسه
وملعقه كبيره زيت او زبده "حسب كميه العيش والماء
وبعد الغليان حطي العيش يكون الماي تقريبا يغطي العيش نص اصبع
وعلى نار اشوي عاليه مو حيل وخليه يطبخ لين تشوفين الحات كل وحده بروحها وصارت طويله قصري عليه النار
وغطيه تقريبا 5دقايق وعلى طول اغرفيه بالصحن وحطي الحشو واللحم وبالعافيه

ادعيلي مايجي رمضان السنه الجايه الا وليدي بحضني