ابي طريقه يتأدب فيها

السلام عليكم ورحمة الله وبركاته

أنا طالبه أدرس برا xxx ومثل ما تعرفون احيانا نشتغل قروبات مع زملاء لنا نشتغل على مشروع دراسي معين, المهم انا كان معي طالب xxx متزوج عنده ثلاث أطفال عمره بين 24-27 درس معي أكثر من سمستر المهم الشاب كان محترم وما يهتم للبنات يعني تحسونه بس راعي دراسة
المهم قدر الله علي و أحتجت مراجع و اوراق ل ماده اخذها قبلي وما كان فيه احد غيره ممكن يخدمني غير الاجانب ومستحيل يعطوني ابحاثهم واختباراتهم اطلع عليها المهم طلبته وقال ابشري وعطاني كتبه وكان معي متعاون جدا, المهم جاني مره و أستئذن يرسل لي الابحاث على الايميل وقلت عادي وارسل لي وكنت احيانا ارد عليك بشكل رسمي زي شكرا الله يعطيك العافيه وكذا
المهم قبل ماتنتهي فتره الدراسه ولاحظت الرجال صار يرسل اشياء يعني يسالني عن اشياء ماهي مهمه وكذا يعني ممكن يسالني عن شي هو عارف مسبقا اني ما اعرف بس عشان يتواصل فما صرت ارد
انتهت الدراسه وصار يرسل يسال وش سويت في الماده اللي اخذتها وكيف اختباراتي طبعا ايضا سحبت
صار يرسل لوحده من صديقاتي ويسال عني وسحبت عليه
المهم بعد تقريبا سنه ونص لقيته مرسل مره ثانيه لكن الرساله كانت غير , كان موضح فيها انه متعلق فيني واني قطعته وكذا وانا ما غلط في حقي ليش مطنشتني كذا
حسيت اني لازم اوضح له السالفه كلها
كلمته بأحترام كالعاده يعني سلمت وسالت عن حاله كذا بعدين قلت له ليش انا طلبت منه المساعده وانا شفتك متزوج وعندك عيال ومفترض تكون عاقل ما كنت ابي ولا اهدف ل شي ثاني ب اختصار وضحت له اني ترا ما تعاملت معك عشاني خاقه عليك
طبعا هو يقول ادري وانا فاهمك بس ما اقدر وابي اتطمن عليك وجلس يعبر عن مشاعره وانا انتظرته لين خلص في الاخر قلت له ترا كان بينا تعامل دراسي وخلاص انتهي ولا تخليني اقول لاهلي ويكبر الموضوع
طبعا ما فيه فايده رجع يرسل وما خاف المشكله انو ييعرف اخوي وقابله كذا مره فحسيت انه
مطمن من ناحيه اخوي ولما رجع يرسل قلت له كل رسايلك هذي بوريها زوجتك اذا رجعت ترسل
وذكرته ان الله لا يحب الخائنين رجع يعتذر وينهي الموضوع
لكن السالفه ما انتهت ورجع يرسل طبعا يرسل اشعار وكلام حب ومن هالخرابيط

وعشان اكون صادقه انا ماهمني كلامه يعني ما هزني وما طقيت له خبر لكن استفزتني جرئته يعني لا اهلي ولا زوجته فارقين معه او انه متاكد اني ما راح اقول لاحد !!
فكرت فعلا اقول لزوجته خصوصا انا حافظه كل شي عندي بس انا ما احب اخرب البيوت وما اتخيل نفسي ادمر حياتهم وامشي بكل بساطه
واهلي ما حبيت ادخلهم في مشاكل وتكبر السالفه وانا اقدر اطنش الموضوع وبلوك ينهي الموضوع لكن مقهوره ابيه يتأدب بطريقه ما يكون فيها احتكاك معه .. فكرت اتعرف على زوجته ممكن يخاف اذا حسني عرفتها ويحس اني ممكن اقولها لكن في نفس الوقت ماني حابه ابعد عن الشر وغني له

احيانا احس ممكن اسلوبي اوحى له بشي انا ماكنت اكلم احد من الشباب ابدا ولا احتك معهم هو الوحيد اللي تجرت اطلب مساعدته ممكن لانه درس معي من زمان وممكن لاني حسيته اب بعد كنت اتكلم معه بشكل محترم لكن بعد باريحيه وهذا اللي يخليني ابتعد اتعامل مع الشباب لاني عفويه وتكلم معهم بعفويه واخاف تنفهم بطريقه ثانيه.
هذي تفسيراتي ممكن تكون صح وممكن لا بس للامانه ولا مره تجاوزت فيها الحدود وسولفت او تكلمت خارج الدراسه واحيانا اقول ممكن لاني عزباء يفكروني صيده سهله ف الموضوع معصبني خخخخخ وبس