هلا بديما ,,,,,,ترى احساسك بانك كبرتي مايقلل ثقتك بنفسك ابدا (مهوب انتي حنا....)خاصة اني وش ملحي (ابرفع معنوياتي) بس العقل والقلب يكبر .....
ام الحلوين تو مانورت جلستنا وازدادت حلا.....هالحين ,,,, صرنا اربع يعني توقف الطاوله على رجولها ....
كل مره تسألون وش تبين ابسألكم سؤال .....
اذا كنت في مجلس مليان حريم ماتعرفين منهم احد فيهم صغار وكبار وصاحين وهابيل وش تسوين ؟؟؟؟؟؟؟
ياونة خفوق ,,,,ياحلو اسمك ,,,,,ويازين هواشك :) تصدقين يوم شفت اسمك في الردود قلت هلا والله اثرها من الجماعه ,,,,,اثرك من الفراخه ( على فكره ,,,على فكره ,,,, ترى ابدا مهوب تكبر ,,,,لكن حنا بنتوزع جدات وبنات وحفيدات (الله يسامح من قالها ),,,,,وحده تحب تعيش عمرها بالضبط لا تصغر عمرها ,,,يعني ماتلزق بس اذا احد وده يلزق ميخالف نفرح ;) بس بشرط ثقل ,,,وملح ,,,وشوي دبابه ,,, ويغلب عليه الجد ,,,

انا ابي انضم الكم

بس ترىالحرمه معروف ولله الحمد والشكر ما تتعدى الاربعين

انا استعمل اسم بنتي الرمال

بس نبي مع الشاهي قهوه وتمر برحي هذا وقته

هاه وش قلتي اقلط ولالا

ام الرمال

ياهلا بام الرمال ,,,,,قهوه وبرحي بس لا وسلج وسكرية حمرا ومعمول عشان الفسقه:21: اقلطي ,,,,ياهلا بس ,,, بدون رمل ذبحنا غبار الرياض ,,,وتنظيفه
( على فكره مرت اخوي لها عشرين سنه وهي عمرها طعش )
الا شكلك من القصيم صح علي ولا لا ,,,,

جواباً على السؤال
اقعد ساكته استمع لهم وممكن اذا حسيت براحه لوحده منهم اواكثر ابادلهم الحديث بشكل رسمى وبود بدون ماأشيل التكلفه لأن فيه ناس بسرعه ينسجمون ويبالغون فى التداخل مع غيرهم بعدين يندمون وانا بطبعى مع الاغراب ماأكثر سوالف
والحمدلله دائماً الناس يرتاحون لى وسلامتكم

يام الحلوين شكرا على الرد تدرين الكل يسأل ليش طلبيي عضوات بهالعمر ,,عشان كذا سألت... لاني مثلت المنتدى بالمجلس اللي مليان صغار وكبار مطافيق وناضجات ومأظن ام الاربعين(((مهيب الحشره ..الحرمه:) )))بتقعد تسولف او تنسجم مع ام التسع طعش ,,,يمكن تسألها عن دراستها ,,وبعدين ماتلقى شي تقوله ,, فهمتي وش أقصد:24: