ابي مساعده من الاخوات في الامارات

بالتوفيق ان شالله اختي جلنار..

اعتقد تقصدين فندق جراند حياة.. فندق فخم وحلو ومرتب وايد..

بس بصراحه تطل الغرف على المسابح وتعرفين المناظر الله لا يراويج :( انا كنت ويا اخواني وذبحني القهر.. كيف ويا الريل! هذا غير سهرة آخر الليل والطرب والفساد في مطاعم الفندق.. أعوذ بالله..

وترا أغلب الفنادق الكبيره جيه عندنا للأسف..

من رايي أحسن تروحون فندق راقي وحلو بس مب وايد فخم.. لأنه أغلب وقتكم بتكونون تتجولون.. فتكونون وفرتوا المبلغ الإضافي لمشتريات مثلاً.. وتجنبتي حرقة الأعصاب من المناظر في الفنادق الكبيره..

يمكن انتي من السعوديه فما تعرفين طبيعة الأماكن المختلطه.. وللأسف كل مراكز التسوق والأماكن العامه عندنا مختلطه وطبعاً الأغلبيه أجانب.. وتعرفين لبسهم.. حتى المطاعم الله يهديهم مختلطه تاكلين وانتي متغطيه ما تعرفين وين اللقمه!

والحين أيام المهرجان يمكن تتكدرين بدل الوناسه من الزحممممه.. وأنا أشوف بس الأطفال يستانسون بالمهرجان لأنهم ياخذون راحتهم.. وأغلب الفعاليات لهم..

تبين الصراحه أختي... إذا كنتي من السعوديه عندكم مناطق وايد حلوه والأحلى انها عائليه.. مثل الشاليهات وهالسوالف.. تاخذين راحتج ويا ريلج.. وتتجنبين المناظر والاختلاط اللي ممكن يكدرج..

والله أنا أتمنى ما يوديني ريلي دبي عقب العرس من اللي شفته.. عشان جيه قلتلج اللي فخاطري..

اسمحيلي على الإطاله.. والله يوفقج ويسرلج الخير.. :26:

تسلميلي أخت الرحيل
صح كلامك انا من السعودية خوفتيني من الروحة ، ما تعرفي فنادق طيبة ما فيها هذا الحال والشارقة مثلها ولا غير ..
اتحمست لسفر حجزنا التذاكر، وين نروح اذا بطلت ابا أسافر بره السعودية:44: :44:

الاخت جلنار فندق التاج ممتاز هو الوحيد اللي مافيه الحركات القرعه والخمر فيه ممنوع .وفيه عندنا الشقق الفندقيه حلوه ومافيها مراقص اواماكن مب حلوه .انا من دبي واقولك تعالي وتوكلي على الله اذا حصلتوا في شقق الماريوت زين . الاسواق نبتدي السنتر .....................روحوا في الفتره الصباحيه الزحمه اقل
عندك مركز برجمان حلو وراقي .................................
مركز ميركاتو - مركز وافي - مركز حمرعين -مركز الغرير -
الالعاب للاطفال في السيت سنتر - حديقة الوندر لاند
الاسواق الشعبيه انصحك سوق عكاظ للجلابيات
نجي للمهرجان القريه العالميه من الساعه 2 بعد الظهر الي الساعه 12ليلا...............اشياء حلوه من كل دول العالم
يوم السبت والثلاثاء للعائلات والاثنين للسيدات فقط ................
حديقة الممزر عروض ديزني لللاطفال مساء

حديقة الخور.........فيها مدينة الطفل
قرية جبل علي ......................فعاليه جديده عباره عن معرض للصناعات المحليه الموجوده في جبل علي واقولك يمكن تحصلين فيه ماركات مشهوره باسعاره رخيصه لانها تصنع محليا للماركات المشهوره .............مكان المعرض في شارع الشيخ زايد بالقرب من المركز التجاري ................خذو بالكم اذا كنتوا بتاخذون تاكس لايوديكم منطقة جبل علي الصناعيه !!!!!!!!!!!!!!
واي استفسارانا حاضره

هلا بناااااااااات ايه و الله انا بعد ابي عشان بأذن الله بنروح دبي :);)

أنصحك نصيحه لوجه الله ماتروحين فنادق أبو خمس نجوم رحت حياة رجنسي والله على أساس أتعشى أنا وأبوالعيال الله لايوريك شىء فضيع منكرات إن قلتي موسيقى وأغاني وخمور وقلت حياء وأدب شىء يشيب الرأس ماكنك في دوله عرييه ,وخرجت ماإتعشيت,والله مش غيره على زوجي أكثر من لو يجي ملك الموت ويقبض روحي هناك في هذاك المنكر ,علشان لقمتين أكلها عساني مممممممممأكلت,روحي فندق ماهو شرط فخم محترم معني ماضنتي تلقين محترم بس عالأقل أهون شوي .
أختي جلنار أنامن لحمك ودمك إدعيلي إنالله يرجعنا لديارنا سالمين الحمد لله مابعد إلاالقليل.
ماهو من كثر أعمالنا الصالحه علشان نضيعها في دقيقتين, أما بالنسبه للتسوق حلو كثثثثير,تسوقي وروحي تعشي ,وحطي رأسك علي مخده مافي تحتها فرق موسيقيه ولا بلاوي الله يحفظنا وياك وجميع المسلمين,
اللهم أرينا الحق حقاً وأرزقنا إتباعه,وأرينا الباطل باطلاًوأرزقنا إجتنابه.قولوا أااااااامين.