هلا اختي جلنار.. ماشالله ما قصرت الأخت hadabb.. لقتلج فندق..

ومثل ما قالت.. الشقق الفندقيه تكون نظيفه وأرخص من غيرها.. ومافيها حركات الفنادق.. مثل فندق البستان اعتقد.. اللي موقعه بين دبي والشارجه.. ورا الملا بلازا.. وأغلب سكانها سعوديين وكويتيين..

أختنا أفادتج بالنسبه لدبي.. أما الشارجه فيها مركزين حلوين .. وهم مركز صحارى.. وميغا مول.. زحمتهم أقل.. والصبح أنسب وقت.. وإذا حبيتوا رحله في قارب بروحكم عندكم في دبي "خور دبي"... وفي الشارجه "بحيرة خالد"...

وأكثر مطعم لقيته ساتر وأكلهم نظيف.. وفي بعض فروعهم يحطونلج حاجز عالطاوله هو "مطعم حاتم" اعتقد مطعم إيراني بس أكلاتهم نظيفه ويضبطون الخليجي والشامي وغيرها.. تلقين هالمطعم في أغلب المراكز.. بصراحه سرت مركز صحارىبس ما كانوا حاطين حاجز,, بس ميغا مول (الشارجه) كانوا حاطين..

وبما انج متردده اختي أنصح بالإستخاره.. والله ايسرلج اللي فيه خير..:26:

تسلموا لي بنات معليش علي التأخير كنت مشغولة
hadabb
جزاك الله خير على مساعدتك وشكراً علي المعلومات انشاء الله اروح الاماكن الى قلت عليها وبعد ماأرجع اعطيك رائي فيها
النيروز
جزاك الله خير أختي علي النصيحة ، بس مو راضي ابو الشباب الا بفندق خمس نجوم يقلي هي كلها ست ايام وان شاء الله نرجع
الرحيل
شكراً اختي علي مساعدك ، وخلاص عبي القهوة لي عشان أزورك انت والاخت hadabb :26: :26: :26:

لا تقربي من مركز التسوق الستي سنتر

مناظر مقرفة:26:

رحلة سعيدة

هلا اختي .....

اولا اذا بغبتي مكان مافي خمور و البلاوي اللي نسمع عنها .... فهو فندق تاج بلس ....


و اذا بغبتي بالمرة تطمنين سكني في الشارقة ,,, (روز فرحانها تمدح مدينتها)

... امزح ... بس انا حاسة فيج و خاصة من قوم نص كوم على قولتج ....

و مثل ما قالت الاخت بالنسبة للاسواق في السناتر انا افضلا الصبح ... السناتر فاضية .... و تاخذين راحتج .... و اهم السناتر (السيتي سنتر ) من المغرب تبدى الزحمة الفضيعة ..

ميركاتو .. وايد حلو

(برجمان و وافي )اكثر شي في اللبس الماركات ...

لامسي حلو

رورينا في صحارى سنتر في الشارقة ....مب بعيد بين دبي و الشارقة ...

و اهم شي لا تنسين باريس غاليري .. فيه عروض تخبل على الميك اب

بالنسبة لفعاليات المهرجان فهي وايد حلوة ..

القرية العالمية
قرية التراث و الغوص
و سوق حبل علي اول مرة يسونه ...

و المطاعم ماشاءالله على دبي ما تعرفين وين تسيرين من كثر مطاعمها ...
من شارع الرقة لين شارع الشيخ زايد ؟.؟

اذا بغبتب اي شي ترانا في الخدمة...

واتمنى لكم رحلة سعيدة على متن طائرتنا لووووووول

ايوه من ادك ياستي فند ق خمس نجوم !!!!!!!!!!!!!!!!!
اهلا ومرحبا بك في دبي واذا على القهوه بس بزعل عليك لازم تجون تتغدون عندنا وانا من جد اتكلم واذا موافقه ادزلك عنواني على الخاص ردي علي .
انتظر منك الرد .