هلا حبيبتي...الظاهر والله اعلم الرجال عنده خبر من اخواته او غيره انك قوية عشان كذا الرجال شاد حيله...المهم انا من تجربتي واسألي كل المتزوجات السنة الولى للزواج يعتمد عليها نظام حياتك مع زوجك...يعني من السنة الاولى يترتب نظام حياتكم على شي معين ..عشان كذا السنة الاولى تكون صعبة جدا جدا بيت اخذ ورد وشع وقاومي على قد ماتقدرين بالحيلة بالعند \ززاول ماتخلص السنتين الاولى ترتاحين كثير يكون خلاص اتعود على طبعك
انا برأي انك تتمسكي برأيك وتصرين عليه يعني اتدلعي واتزعلي لكن انتبهي انك تعلي صوتك عليه او انك تستفزيه يعني ازعلي وعندي بـ دلال وصمت..قوليله البيت هو مملكة المرأة يعني كل شي بذوقك انت واختيارك انت وعلميه ان كل خواتك وصاحباتك هم الي اختاروا مو بس الاثاث لا بعد البيت هم الي أختاروه
والله يسخره لك يارب ويسخر لي زوجي انا بعد

السلام عليكم.

اول شي الله يوفقك ويسهل عليك ويتمم عليك بخير..

ثاني شيء الله يعينك على طبيعتك وانا كنت مثلك لكن تدرين وش الحل ..انك خلاص ماتحاولين تتوقعين شيء او تتخلين شيء معين ببالك ..لا شيء ايجابي او سلبي...رحتي واخترتي شي خلاص انسيه ولا تفكرين فيه ..يااختي الواحده مننا ماتضمن الدنيا تجي على كيفها فلازم تعود نفسها ..وطبعا مو تصيرين سلبيه اي شي والسلام لا لازم تحاولين جهدك واللي يكتبه ربك بيصير...

بالنسبة لشقتك..

واسمحي لي اسأل كم سؤال..

كيف حالة زوجك المادية؟
الشقة ايجار صح؟وكم ناوين تقعدون فيها؟؟
كم باقي على موعد الزواج؟
وكيف تعاملك مع خطيبك اذا قال لك انه مايقدر يوفر لك ؟؟هل قلتي له عن طبعك؟وهل قلتي له انك ماودك تضغطين عليه؟؟؟
هل تحسين انه اقصاك رحمة بك؟؟

اختي لازم قبل ننصحك نشوف الظروف اللي حولك ونحكم لان كل واحده ظروفها تختللف عن الثانية والرجال مو سوا...

بانتظار اجابتك..

تحياتي

رمـــش الغلا الله يعينك حبيبتي وهذا الامر طبيعي ويصير مع بنات وايد وانا اسفه اذا ما قدرت اساعدك بشي :( :angry:

هلا اختي

caramellita

أنا ماودي أدخل خوات زوجي بالموضوع .. لأنه مو معقول كل ماصار بيني وبينه شي
طلبت مساعدتهم ...

بعدين أختة اللي مع أخوي كل ما علقت بشي قالت اوكي خليني انا اختار لك.. وهذا الشي انا ما بية...

بقصة خرطي هذا اكبر خوفي ما ابيه يتعود على هالاشي عشان كذا اقولكم اخاف تغلبني عاطفتي واظلم نفسي...

Sheery

ايه خوات زوجي يحبوني كشخصية لكن انا يوم خطبني تفاجأت من زوجة أخوي (( أختهم)) انه له سنه يبي يتقدم وخواتها رافضين لانهم شايفين اني قوية ومستوى اهلى المادي افضل وطلباتي كثيره وبتعب اخوهم..

بس هي اللي وقفت بوجه خواتها وقالت لا البنت شكلها بس يعطي قوي لكن هي لا ...واصرار الولد علي هو اللي تمم لنا الامر الحمد لله يعني هو له سنه أخذ هالفكرة عني ...

وان كان على السنه الاولى انا عندي علم بهشي بس والله خايفة جداً

أخاف ضعفي ينقلب علي ويغلبني بدل ما اغلبه :icon33:


SIMPLICITY

تسلمين ياقلبي على هالدعوة الحلوة

الحمد لله انك مريتي بالهطبيعه يعني فاهمتني زين ..

أوكي انا بديت اتوقع الاسوء بس بعد الامر صعب مثل منتي عارفة يعني مارح اقدر اتخلص منه بيوم وليلة...

أما جواب اسألتك ...

كيف حالة زوجك المادية؟

زوجي حالته المادية متوسطه...
يعني بصراحة مو ذاك البسط..
مقارنه بأوضاع اهلي المادية ..

الشقة ايجار صح؟
هي اجار بس ابي اوضح شي..
زوجي قبل ما يخطبني تنازل عن شقته في مجموعة اهلة لخوة
يعني كل أخوانه ساكنين بملك الا حنا..
وعشان كذا عمي ابو زوجي متكفل بدفع ايجار الشقة لنا تعويض عن اللي راح علينا..
ولي شقة في عماره لابوه بس مستواها ما يسوى شي مقارنه بشقق أخوانه عشان كذا رفض زوجي نسكن فيها واجرنا ذي (( طبعا هذا الشي بينه وبين اهله انا مالي اي علاقة بالامر)) بس تقدرين تقولين في حال صار شي لابو زوجي لاقدر الله في لنا شي..


وكم ناوين تقعدون فيها؟؟
هي الى الان مدفوع ايجار سنتين مقدم ...

,انا مخططي اني ما اطلع منها الا على ملك يعني بحاول اضغط على نفسي في السنين الاولى عشان أأمن لنا شي لو بسيط..

غير ان انا طبيعتي ما احب اتنقل كثير يعني بقعد فيها اقل شي 6 سنين..

كم باقي على موعد الزواج؟
باقي على زواجي شهرين ..
ولازم الشقة تخلص بعد شهر ونص لان اهله وراهم سفر قبل الزواج


وكيف تعاملك مع خطيبك اذا قال لك انه مايقدر يوفر لك ؟؟

الحمد لله اشوف نفسي عاقلة بهالخصوص يعني مستوعبه امكانيات زوجي..
مع اني ساعات اتضايق لاني عارفه ان اهله مبسوطين بس البخل ذابحهم..
وما ودي احرجة ممكن ابدي رأيي بس من يوم يقول لي لا اسكت..
والايام الاولى مثلا أعطاني ميزانة المطبخ 9000 ريال شفت اشياء طيرت عقلي بسعر اغلى طبعا بس والله ما فرقت معي لاني مقنعه نفسي بامكانياتي..
بس اللي يزعلني فيه اذا حدد لي شي ومشيت عليه بعدين يغير كلمة ..
يقلل الميزانية بعدين يرجع يرفعها فوق اللي متحدد يعني صارت سالفة حرق اعصاب..

هل قلتي له عن طبعك؟
عارفها زين ومر معي بكم موقف وضحت له هالشي
وبدأ يستوعب الفكرة ..
عشان كذا الحين ما وده اتدخل بالشقة

وهل قلتي له انك ماودك تضغطين عليه؟؟؟
كل ما قمت وقعدت قلت له هالكلمة ..
لا تكلف على روحك ..
لدرجة اني قلت له لاتفرش كل البيت لانه ست غرف..وطبعا في البداية مارح احتاجها كلها..
وبعد قلت له ان لو تجيب لي شي من الحرج ما امانع بس يكون شي مرتب وحلو...


هل تحسين انه اقصاك رحمة بك؟؟

برغم ان تخصصي لغة عربية بس مافهمت هالسؤال


اسفة طولت عليك..

بس عشان تكون عندكم فكرة واضحة عن الموضوع

السنعه ياقلبي مرورك كافي