السلام عليكم..

اول شيء انا ابقول لك عن الدعاء والله العظيم ان له اثر كبير غير الاجر اللي تأخذينه من هالعبادة..

دائما ادعي ربك والحي بالدعاء لانه كل شيء بيده سبحانه وتعالى..

ومن الادعية اللهم سخر زوجي لي كما احب وسخرني له كما يحب وسخرنا لك كما تحب وترضى,,واللهم اجعله قرة عين لي واجعلني قرة عين له ..اللهم اجعله عونا لي على الطاعة واجعلني عونا له على الطاعة..اللهم اجعله يرى فيني مايسره واجعلني ارى فيه مايسرني..اللهم سخر لي اهله وارزقهم حبي..

نجي للجد...



لا لالا انتي لاتتوقعين شي لا اسوء ولا افضل خليك بدون توقع..تدرين ليش اذا توقعتي الاحسن وجاك شيء مو بمستوى اللي توقعتيه بتتحطمين واذا توقعتي الاسوء وجاك شي مو مره لكنه افضل من توقعك بتفرحين وتستانسين وهو مايستاهل وهذا شوي شوي راح يحولك لسلبية..عشان كذا لا تتوقعين شي واذا جا غير ماتحبين حاولي تغيرينه وااذا ماقدرتي فماراح تكونين متحطمة..

والاكيد انك ماراح تتغيرين بيوم وليلة لكن بالمحاولة وانا مااقول لك عشان زوجك انا اقول عشانك والله..

[واضح انك مراعيه له وعارفه وضعه وهذي نقطه اهنيك عليها..وواضح انك خايفه انه هذا يؤثر عليك..وبصراحة ردك على اسئلتي غير رأيي اللي كنت ابقوله لانك وضحتي وش مقصدك ..

شوفي رأيي انك تقولين له خلاص انا ابأثث الشقة معك عشان يكون رأيك ومو لازم تأثثون الشقة كلها اهم شي اللي تحتاجونه بعد الزواج على طول..يعني المطبخ وغرفة النوم والاجهزة الكهربائية والجلسة اللي لكم..الباقي ممكن تخلونه بعدين..

لا تخلين خواته يتدخلون مهما صار قولي هذا بيتي وانا ابي أثثه على كيفي وعلى كيفك ..وعلى اخته قولي انا ابي اريحها وابي اتحمل المسئولية وانا قدها ..وقولي اذا انا اخترت الشيء خلاص ماراح اغيره ..اقول لك على شيء انا اللي مأثثه بيتي قبل الزواج مجرد الغرفة والصالة والمطبخ وبعد الزواج اثثنا الباقي لانه كان وقت اختبارات وماحبيت استعجل ...

عيوني الله الله بألاسلوب السنع لا تقولين له ماابي اهلك تتدخل او اختك لا قولي هذا بيتي وانا ابي اتحمل مسئوليته وابي يكون كل شيء تحت اشرافي ..

بالنسبة لك انتي معليش تعالي على نفسك شوي ((ملاحظة بس شوي)) ولا تروحون للمحلات الغالية خليك متوسطة ...واذا تزوجتوا عوديه انك تشترين اللي يعجبك ولا تحاولين تحصرين نفسك وبنفس الوقت وضحي له انك مراعيه له وان رضاه وراحته بالدنيا كلها...

واي شيء ببالك قولي له انتي لا تخلين اهله او اهلك يتدخلون ..

وممكن تعزمينه عندكم وتقعدين معه جلسه قولي له كم ميزانيتك وتحددون كثلا الغرفة كم والمطبخ كم وصدقيني كل شيء بلمساتك بيطلع له طعم خاص..

الله يوفقك..

SIMPLICITY

هلا بالغالية

أشكر لك تفاعلك

وابشرك الحمد لله بفضل الله ثم فضلك وفضل رد الاخوات

قدرت اسيطر شوي على عواطفي ...

واستوعبت الموقف زين ...

والحمد لله جاب لي المطبخ اللي ابيه ...

واخترت غرفة النوم بسعر اقل من اللي يبية بعد...

وبعد غرفة السفرة ...

اما الصالة والمجلس عجزت فيه عاد قلت بخليه على راحته وبغيرها بعدين...

دام الاساسيات زينه((غرفة النوم والمطبخ والسفره)) لان هذولي صعب تغيرينهم بسهوله...

لاني ماودي اشد اعصابي معه زياده وانحرق واختباراتي السبت وفي النهاية لانتيجة زينه ولا مجلس يفرح القلب

الله يطمن قلبك ويسعدك..

الحمدلله..

تحياتي