ابي منكم دعوة صادقة وهذي قصة حياتي ههه

طبعا اني متزوجة من 8 شهور لكن سبحان الله 8 شهور كانها 8 سنوات بالرغم عمري 20 سنة ادري بتقولون صغيرة لكن سبحان الله كل وحدة تنبع فيها غريزة الامومة :baby2:

طبعا يعرفون بنات البحرين ان عندنا مستشفى حكومي واحد بس والله مآساة معاملة علاج كل شي المهم بعد زواجي بشهر جاني الم قوي في احدى الجوانب اسفل البطن ورحت الطوارئ وكان زوجي خايف علي كثير المهم اخذوا فحوصات دم وكل شي قالوا احتمال التهاب مهبلي :( والله مباشرة رجعت البيت واني قلبي يدق من الخوف فتحت النت وكتبت في قوقل التهاب مهبي من الخوف والله لاتلوموني من هالدكاترة لحليوين اله عندنا في البحرين ههه المهم عرفت ان الالتهاب المهبلي يأخر الحمل والله حزتها ضاقت الدنيا فيني وكنت قمة الاحباط :09: المهم بعد 3 شهور تقريبا رحت مستشفى البحرين الدولي طبعا هذا مستشفى خاص ومعروف بخدماتهم وعلاجهم المهم قامت تسألني الدكتورة كم لي متزوجة قلت ليها 4 شهور واحاول احمل بس ربي ماارد وقلت ليها ان المستشفى الحكومة قالوا لي ان احتمال كبير التهاب مهبلي غريبة بدون مايفحصوا تحت ههه المهم ودتني غرفة وكنت اول مرة افحص تحت وكنت خايفة كثير فحصتني وقالت مافيني التهاب ابدا وكل شي طبيعي :42: بعدين رحت المسشتفى اقول ليهم ان رحت مستشفى خاص وقالوا مافيني شي فحولوني لعيادة قسم النساء والولادة وسوا لي اشعة الترا ساوند علشان تكشف على المبيايض والرحم قالت كل شي سليم الحمد لله ومافيني الا العافية وهذا الم الجوانب الم تبويض ممتاز:42: لانه ماكنت اعرف شي عن التبويض وهالسوالف ههه والحمد لله حمدت ربي وشكرته وولآن انتظر فرج ربي وياليت تدعون لي بدعوة صادقة ان ربي يرزقني توأم بنت و ولد صالحين معافين ويقر عيني بشوفتهم وتوكلي واملي بالله كبير :)

سامحوني اخواتي طولت عليكم بس حلو الواحد لما يفضفض النفسية ترتاح :26:

طبعا الناس خلال هالثمانية شهور مو مخليني في حالي وزوجي الحمد لله فحوصاته سليمه وطبعا اذا حبيبت اسكت الناس اقول ليهم اول بخلص دراستي الجامعية لانه اني ادرس في الجامعة ههه شنسوي بعد في هالناس لازم نسكتهم كانة الحل بايدنا وزوجي كل شهر ينتظر الحمل :09: واذا جتني الدورة يقول ماعليه الشهر الجاي مسكين الله يفرحه ويفرحني بالحمل قريبا ويفرح كل من تتمنى الذرية الصالحة