اهات في قلبي :

شوفي ياقلبي مااظن احد بكى كثري ومااظن احد زيي..تفكيري هذا بس اكيد ان اغلب الامهات الي عندهم طفل من ذوي الاحتياجات زي كذا انا ربي رزقني بتوأم وهم بكري(ولد سليم ماشاء الله ..وبنتي تعبانه) تخيلي من الشهر الثاني وانا عارفه ان عندي توأم طارت الدنيا فيني انبسطنا انا وزوجي اشتريت الملابس في الشهر السادس للبنت والولد جهزت لهم غرفه ووووو..الخ فجاءه وانا في الشهر السابع اسوي سونار يقولي الدكتور البنت فيها كذا وكذا وكذا تخيلي منظري وانا ع السرير يشهد الله اني تبلكمت مدة سبع ساعات وانهرت فجاءه صحت بكيت احلامي راحت ليش كذا وليش كذا..بديت اعترض عن حكم ربي بدون قصد ولدت ..الناس تفرح بولادتها وانا ابكي وش راح اجيب من بطني..الناس تباركلي بالتوأم مو عارفين مشكلتي وانا اضحك من الظاهر ومن جوه انحرق حرقه .. عمرها الحين سنتين اعشقها وكلمة اعشقها قليله فيها مااقدر اتخلى عنها..ممكن اخلي اخوها مع الشغاله عند امي لكن بنتي لاا مااقدر تدرين ليش لأني احب حضنها اعترضت في البدايه وزي ماقلتي مريت فيه لدرجة اني اطالع للأطفال وقول ليش بنتي...الخ .. بعد فتره ايقنت ان ربي يحبني ويختبرني اختي :اقرئي سورة البقره خففي همك احضني ولدك شمي ريحته اختي هو الحين تعبان وانتي ماتحبينه من له؟؟امه ماهي متقبلته؟؟من له؟؟امه تحضنه بدون نفس؟؟وش ذنبه ربي خلقه كذا تخيلي تموتين لاقدر الله ويكون لغيرك بس غيرك مابيحن عليه كثر ماتحنين عليه هالاطفال محتاجين لنا تخيلي بنتي يوم اصحى من النوم واشوفها احضنها بقوه واحس براحه نفسيه واول مااشوفها اقول الله يشفيك ولايحرمك الصحه والعافيه .. اذا ماتقبلتيه من الي بيتقبله هذا ولدك قطعه منك ربي اخذ وربي بيعطي ماانكر اني مريت بنفس ظروفك لدرجة اني تمنيت الموت لنفسي لكن في النهايه تأكدت انها هديه من ربي .. بقولك موقف حدث لي:قبل كم شهر وديت بنتي مدرسه وطبعا ماقبلوها لان سنها صغير المهم دخلت انا وزوجي هالمدرسه وشفت الاطفال الي فيها كلهم من ذوي الاحتياجات الخاصه جلسنا نتناقش مع المشرفه والاساتذه تقريبا ساعه ويشهد الله علي اني اطالع فيهم في الساحه وهم يلعبون ويمسكون ايادي بعض اطالع فيهم وانا مبسوطه حسيت بطهاره بنظافه بقلوب بريئه طاهره..يشهد الله علي اني خرجت من المدرسه وانا عند بابها ان قلبي انقبض وقلت لزوجي اووف رجعت لعالمي ومجتمعي..ليتني اقعد بهالمدرسه لأني حسيت بأحساس حلو فيها الي زادني قوه واصرار هو المنتديات تعرفت على بنات واخذت واعطيت معهم عن طريق الايميل وعن طريق الجوال..عالمنا غير عالمنا حلو مع صغارنا في حاجه مهمه اختي: اذا كان بالمستطاع تقدمين على شغاله ومن بداية عمره تودينه مراكز للعلاج ولاتهملينه علشان ماتتعبين بعدين خلي املك بالله كبير افرحي بهالدره الي ربي اعطاك هي لاتهملينه هو محتاجك هو يبغى حنانك حتى لو ماعبر خليتيني اقول ليته عندي احضنه(((توكلي على ربك))) واحمديه المهم اذا حبيتي تتواصلين معاي وتستفسرين عن المراكز وش الاشياء الي يحتاجها فأنا والبنات بالخدمه .. يابنت هذا نعمه نعمه يمكن بسببها تدخلين الجنه ...

شوفي ياقلبي مااظن احد بكى كثري ومااظن احد زيي..تفكيري هذا بس اكيد ان اغلب الامهات الي عندهم طفل...