حبيبتي هذي هدية رب العالمين لك , لا تعتقدين انك انقص من غيرك لان ربي رزقك ب طفل معاق !! ادري انك صعب تتقبلينه وصعب تتقبلين وضعك انا ادرس تربيه خاصه وعندي ماده كامله عن الاسره وكيف تقبلهم ل اطفالهم والمراحل الي يدخلون فيها من انكار وغضب ولوم وخوف واحراج من المجتمع , طيب فكري بهالطفل !!
لما يكبر وش بيواجه !! تعلمي تحبينه وتعلمي تتقبلينه
انتي وضعك صصعب محد يقدر يخالف هالشي والناس موب سسواء , فيه ناس بسرعه تقبلت وضعها وناس مثلك صعب عليهم لاتلومين نفسك او تشكين لاي احد لاقريب ولا بعيد
اشكي لربك هو الي يسمعك ,
وتعلمي تحبينه تراه كنززز ناظري له كثير وضميه

والله يكون في عونك

رفع

نفس حالتي بس هي واحد وانا اثنين واول اعاقه في العائله

اختي الغالية

ممكن استفسار كتبتي مشكلتك ان السبب الفوليك ممكن توضحين


يعني استعملتية اوالا

ذكرتيني ببنتي الغالييه...بكري بعد عدة اجهاضات...

تجهيزاتي لها ما تنوصف...وفرحة اللي حوالي ما اقدر اشرحها لكم....الكل كان ساعدني في حملي...

وبعد 9 شهور وصلت عروستي للدنيا...بس مختلفه عن باقي الاطفال....وش حسيت فيه؟؟؟صدمه....صدمة العمر...وبعدها؟؟...صرت أشوفها تكلمني على طول وتقول لي ماما ليه زعلانه اني جيتك بالشكل هذا؟؟...ترى ما لي ذنب؟؟..انتي تتمنين الطفل الطبيعي...وأنا اتمنى اكثر منك لو اني مثل غيري.....ومنها تعدهت امام ربي اني اخليها بعيوني مو بس قلبي وأرعاها الرعايه اللي تخلي رب العالمين راضي عني يوم القيامه.......والحمدلله على عطاياه

*********

بقولك هالسالفه لناس أعرفهم شخصيا...الله رزقهم ببنت معاقة ذهنيا اضافة الى مشاكل صحيه ثانيه....
تعرفين هالنوعيه ما تدري بشئ...لو حد ينسى باب البيت مفتوح تطلع على طول للشارع ...حتى لو بملابسها الداخليه...

وأبوها على طول ساخط وهواش مع امها...ليه تحط الاكل بالجزمه؟؟..وليه تحط النعل فوق التلفزيون...انقلب البيت جحيم والام على طول بكآبه

عشرين سنه وتوفت......الله أخذ امانته....امها وابوها بكوا يشده...بكاء الندم...وش صار لو تحملوا ؟؟..وش صار لو صبروا؟؟هالعشرين سنه صارت في نظرهم غمضة عين....ابتلاء وانقضى....
********

اصبري اختي وأعطيها واحضنيها على طول ...دلعيها....تراهم يعرفون معنى الاحساس بالحب....عشان ما يجي يوم وتندمين