السلام عليكم اليوم جبت موضوع بصراحه عن نفسي اعجبني فحبيت انقله لكم وهوه
اتحدى احد ماقد صار له على الاقل ولو واحد من هالمواقف وكل وحد تقول الي صار لها منها وسلامتكم
أهم قوانين الطبيعة
قانون الاصطفاف :
إذا إنت صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي انت الحين فيه !!
قانون التلفون :
عمرك ما تتصل على رقم غلط ويطلع مشغول !!
قانون التصليح :
إذا كنت تشتغل ويدينك مليانه زيت و شحم , تأكد إن خشمك بيحكك !:hahaha:!
قانون المعدات :
إذا طاح من يدك أي شي، تأكد انه بيبقى يتـدحرج إلى أن يوصل لألعن مكان ما تقدر تطلعه منه !!
قانون الأعذار :
إذا تأخرت عن الدوام وقلت لرئيسك أن كان عندك بنشر في الكفر،تأكد إنك بكرا بتبنشر صحيح !!
قانون البانيو :
إذا بديت تتوضا أو تتروش , تأكد ميه بالميه إن جوالك بيبدأ يرررررن وما يسكت !!
قانون الالكترونيات :
إذا أخذت جهاز عند مصلح تبي توريه انه ما يشتغل، حزتها بيشتغل ولا كأن شي صار !!
قانون الشاهي :
أول ماتسوي لك كاس شاهي ، تأكد إن رئيسك بيجي ويعطيك شغلة ما تخلص الا لما يبرد الشاهي !!
قانون المصادفات :
إذا كنت ماتبي أحد يشوفك ، فجأة كل اللي تعرفهم بيطلعون لك من كل مكان
