اترجاكم ابي حل لمشكلتي

انا ماعرف شاقولج بس البنات راح بفيدونج هم مايقصرون يمكن انتي تسوين رجيم على طول وانا سمعت وحده نفس مشكلتج في البرنامج قالت لها اخصائيه التغذيه انها لازم توقف الرجيم فتره وانها تاكل اكلها العادي الي تطبخه بس لازم يكون صحي يعني تاكل المشويات وتاكل الخضره المسلوقه والسلطات والشوربات وتشرب الماء معه رياضه المشي او السباحه يعني لاتمشين على نظام غذائي صارم مادام انتي نزلتي 20 كيلو حلو بس لاتصرين طماعه حاولي تنزلين على راحتك وراح تلاقين الوزن ترى ينزل من نفسه وعلى فكره بعض الاحيان الجسم ياخذ على الرجيم لازم تغيرينه وان شاء الله انني وصلت لج المعلومه

مشكوره الغاليه..
بس انا ابد ماعذبت نفسي بريجيمات متتاليه
لأ كنت ابدأ ريجيم فتره وبعدين ارتاح شوي
آكل عادي وبعدين اسوي ريجيم غير ...
مع المشي والشاي الاخضر وشراب اعشاب
وعلى راحتي نقصت هالعشرين في اكثر من سنه
بديت اترك الاكل الغلط في حياتي وهو الحلويات والغازات
وبعدين قمت أخفف وبعدين بديت كل فتره ريجيم
والحمدلله استفدت كثير من الي سويته
بس المشكله الحين مافيه اراده
اكل الليل يخرب علي اي ريجيم ابي اسويه
ماادري اذا وحده من الاخوات تعرف لي ريجيم يقلب الليل نهار
والنهار ليل ... لا تقولون لي الصيام ...لأني حتى لما حاولت
الجأ للصوم كنت اخرب صيامي الا اذا كان فرض او قضاء او تطوع
لكن مجرد احساسي انه علشان الريجيم اخربه
اترجاكم شوفولي حل ...خلاص كرهت نفسي

شيم حبيبتى لا مشكله ولا شىء بس انتى عندج مشكلة الارااده يعنى لو انتى مستمره اشوى .. مشالله 20 كيلو حلوين فى سنه .. ونظاامج حلوووووو اهو تخفيف ماشى وانصحج تستمرين عليه واذا على اليل اذا جعتى اكلى 5 حبات تمر وكووب لبن قليل الدسم صدقينى يسد يووووووعج وعيارتج بعد ..:)
وانشالله ترتاحين وتخفين من وزنج :26:

انا كنت نفس مشكلتك ورحت لدكتور تغذيه وقتله اني مااقدر اتحمل الجوع في الليل ,,,,,,,

وعطاني الحل........

عطاني نظام للرجيم الغداء فيه خفيييييييييييييييييييييف

والعشاء دسم

وقالي اذا تسهرين بعطيج وجبه خفيفه

اذا تبين النظام انا بالخدمه؟؟؟؟؟؟؟؟؟؟؟؟؟؟

الغاليه فلونه...
سبحان الله يامحاسن الصدف الاقي ردك علي وانا الحين مسويه ريجيمك
انا اليوم قمت الصبح وتقويت ومسكت القرآن وحلفت امشي على البرنامج الي انتي حاطته
قبل انا سويته من كم شهر ونقصت عليه بس ما كملته
واتمنى من كل قلبي اني مااكسر الريجيم ...ادعي لي الغاليه
وعلى فكره وياه اشرب الكتان على الريق.. والشاي الأخضر مرتين
والمرميه قبل النوم.. والشمر ثلاث مرات
الله يستر عاد كله سوائل بس يلله علشان تنسد نفسي خاصه بالليل
والصداع اليوم ذابحني بس يلله لحد الآن الاراده حديد يارب اكمل الليل على خير