الغاليه بنت الكويت ..
اكيد ابيه..ياليت الغاليه تكتبيه
وياليت اعرف كم نقصتي عليه
وله مده ولا ريجيم مفتوح
انا الحين على نظام الغاليه فلونه وان شاء الله استمر عليه
بس نظامك ابيه علشان امشي عليه على طول
لأنه انا مشكلتي الليل اما النهار عادي ممكن اتقبل اي ريجيم حتى القاسي
بس الليل تبدأ العياره مافيه جوع بس كذا مثل الوسواس يصيبني
لازم اشغل فمي ولا ماارتاح

غاليتي انا في الانتظار ...ولك جزيل الشكر

حبيبتي شيم
بعطيك عدة حلول وان شاء الله تجيب معك نتيجة
اول حل دايم تخيلي نفسك رشيقة وتلبسين اللي نفسك فيه من دون اي تعب يعني تخيلي تروحين للسوق وعالطول تلقين مقاسك لان السمينه اكثر وحدة تعاني من الدوران اساليني والله كان وزني 100 يمكن قريتي موضوعي كنت اختصر الطريق ولا اروح للسوق لاني حارمه نفسي من المناسبات واذا اجتماعات لابد منها على طول اقرب محل جلابيات لاني موفره على نفسي وعارفه اني ماراح القى مقاسي يعني الدعوة جلابية لابد منها وكل ماشوف عارضات ازياء والله اني اموت من القهر ويوم من الايام سالت نفسي ليش ماصير احسن منهم وش ينقصني عنهم وقعدت افكر افكر افكر واخيرا وجدت حل لحيرتي ينقصني عنهم الارادة هم ارادتهم اقوي من ارادتي وعندهم هدف يبون يوصلون له حطيت في بالي اني لازم اروح للزوجي بشكل ثاني بعد الولادة وافاجه لانه مسكين من زمان وهو نفسه يشوفني متجددة بس فترة الحمل بجلابيات ولا بعد من زين الشكل وقت الحمل اررروع قبيلة.....:01: المهم كان الهدف اللي ابي اوصله اني اروح لزوجي وحمولتي(اهل زوجي)بشكل اخل الكل يتفاجا بالتغير وبسبب الهدف هذا تقوت الارادة عندي والحمد لله تحقق هدفي والله ان الكل ماعرفني ومن بعدها صرت اوومن بمدا الهدف والارادة

ثاني حل اشغلي نفسك بالليل باي هواية انتي تحبينها ممكن القراءة ممكن الرسم ممكن الرياضة عاد انتي وهوايتك وفي هواية روعه ومفيدة انك كل ليلة تجمعين ادوات مكياجك وتحاولين تصلحين لنفسك ميك اب والله عن تجربة شخصية كل يوم اكتشف لملامحي مكياج جديد ولما اروح مناسبة الكل يسالني من سوالي الميك اب ودايم مرة اخو رجلي تطلع علي اشاعات اني اخذ دورات وانا والله اني كنت من جنب المكياج مااعرف فيه ولا شي واني ماتعلمت الا بهالطريقة ...وبكذا تلهين نفسك عن الاكل وتستفيدين

ثالث حل حاولي تقومين لصلاة الفجر وبعدها ماتنامين بحيث يجي الليل ماتشوفين الطريق تدورين الفراش وهذا اصح لك وللبشرتك ويلهيك عن اكل الليل وعلى فكرة ترى الاكل باليل مضر والجسم بالليل يكون حرق السعرات الحرارية فيه بطي او يكاد معدوم الحرق
في النهاية تحياتي لك واسفة على الاطالة

:26: :26: :26:

شوف قبل الاكل شربي ماي كاسين وشوي ليمون عليهم وان شالله يخفف من شعورك با الاكل ومشالله عليك عندك ايراده

وكثري من الماء ولا تلزمي نفسك با اليمين لان حرام عليك نفسك

الغاليه اندومي بالشطه..
مثل ماقلتي الغاليه الاراده هيه الاساس تسوي العجب .. في موضوع بنزله عن الاراده مع الريجيم اتمنى تقرينه..
وبالنسبه لنصيحتج لي اني اشغل وقتي والتهي عن الاكل ... حبيبتي لو تدرين عن شلون صايره حياتي وقد ايش شاغله وقتي طول النهار والليل بعد وماعندي وقت فراغ بالمره لو ينباع بشتريه عشان اريح فيه ..
وعشان سالفة الاكل بالليل جربت كل شي ... لغيت نوم الظهر علشان ينهد حيلي بالليل مافيه فايده اقوم من نومي ادور المطبخ ومااحس الا وانا قاعده آكل اي شي الاقيه قدامي شويه كثير مو مهم المهم تزول الحاله وارد انام واحيانا اقوم اكثر من مره
مره طلبت من بنتي تقفل المطبخ وتخبي المفتاح عني .. وتصدقين لما جاتني الحاله رحمت بنتي مابغيت اخرب نومتها لكن جلست طول الليل ادور المفتاح لين لقيته ومارست هوايتي .. يعني مافيه فايده حتى بنتي زعلت علي هذيك الليله وخلاص ابصمت بالمليون اني اكيد مريضه..
خففت الاكل بالنهار وخليت الوجبه الدسمه آخر الليل مافيه فايده بعد قمت
خلاص انا يئست مافيه الا اليمين بس اليمين انا اتبعه مع الرجيم ماودي احلف على الطالعه والنازله

يلله الغاليه طولت عليج سامحيني
عموما انا الحين على ريجيم الغاليه فلونه .. محتاجه للدعاء لي بالصمود وعدم التخريب ليل او نهار

في امان الله

الغاليه Hawajs ..
مانفع شي الغاليه
تسلمين على الرد
وسالفة اليمين ما تجوز بس شسوي قلت حيلتي

في امان الله