اتطلق ؟

صباح الخير عليكم


بنات انا فكرت كثييير وشفت ان الطلاق بالحيل انسب لي بس الظروف مره صعبه
انا اللي مره قلت لكم عجزت ارجع احب زوجي
هو مو مقصر بس يابنات ما اقدر ما اقدر اكمل معاه خلاص
لي قرابة السنه مبعده عنه وكل شي بالحيله يسويه عشان اقرب منه مافييييه مو طايقته واحياناً اجامله بس اجامله وانا ابكي وحايمه كبدي 😞
احس اني ظالمته كثيييييييييير
ومن كم يوم قال انتي ياتشوفين لك حل وتريحيني او اتخذ القرار
واتوقع قصده يا يتزوج او يطلقني انا هنا حسيييت تخيلوا برااااحه بس مجرد قال هالجملتين تخيلت اتطلق وارتاح
بس اهلي للاسف لو اجيهم يوم يتحملوني بس اطفالي الله يصلحهم لااااا خراب وبس يهاوشونهم ومو متحملينهم كيف لو اتطلق واجلس عندهم
وهو صح انسان مايحافظ على صلاته ومايصلي الا الجمعة في المسجد ويجي متأخر واحياناً يخليها بس استغفرالله انا ماكنت انصحه وكان هالشي عندي عادي بس يضايقني شوي
وزياده على انه مو مهتم بنظافته الشخصيه هذا الشي نفرني وبزياده منه للاسف وصلت مرحلة الكره
واخيراً بنات ترا انا مافكرت بالطلاق الا لاني وصلت مرحله شديدة من الحاله النفسيه تخيلوا اني لما اتضايق منه اخدش نفسي واخنق نفسي واحرق يديني بشي حار واقطع شعري واحس الحاله كلما له وتزود
حاولت اكلم استشاريين بس كلهم همهم الفلوس وانا الفلوس محسوبه علي وين تروح ووين اصرفها
والله اخاف الحاله توصل لاسمح الله لشي كبير ويغضب رب العالمين
ماودي تكون نهايتي شينه وانا انسانه والله اني محافظه وخايفه ربي
وش تنصحوني اسوي اكلم اهلي او اكلم اختي وش تنصحوني فيه والله اني مره متلخبطه وحايسه الموضوع بس تكفون افهموني ووجهوني وين اروح وش اسوي 😞