اتغير ع زوجي بعد سماع شكاوي أختي

السلام عليكم ورحمة الله وبركاته


أنا لي أختي كل فترة ترسل لي و تجلس تتشكى من زوجها
زوجي سوى  زوجي سبني زوجي منعني زوجي معه علاقات زوجي ضربني
وأنا اخر مرة رديت عليها انتي كل مرة تقولي هلكلام  وتقول مو مرتاحة معاه  وش تبي من الكلام الي تقوليه تبي اقول لأهلنا وتطلقين
تسكت وبعدين تكمل كلامها ويسوي لي كذا وكذا وأنا تعبانة ابي اموت


وكل الرجال ترى نفس الشي ملاعين وخونة ونذول

وكل مرة وأختي ع هالحال

المهم أنا صرت اتغير على زوجي بعد الكلام معاها مباشرة
وهو صار يعرف انه اكيد أنا مكلمة اختي مدري ليش اتضايق بسرعة واصدق أنا زوجي كذا


وهو والله طيب وحنون وماشفت عليه شي

آخر مرة عصب علي وقال لاتحمليني ذنب غيري أنا وش دخلني في زوج أختك


هل اطنش اختي اذا جت تتشكى واغير الموضوع عشان ماأتأثر بكلامها ؟
اخاف اختي تزعل بس وربي انا حيييييل اتأثر  واتغير ع المسكين:-( 


حتى منتداي الحبيب قطعته فترة لأن أتأثر واقول كل الرجال كذا مافيهم كويس مع اني في قرارة نفسي اعرف زوجي بس كثرة الكلام تشكك:-( 



الله يوفقكم ارشدوني بحل سليم ماأسمع فيه أختي ولاأزعلها في نفس الوقت