الاكمام

اشبكى الخيط فىاول سطر من اسطر الحردة الاماميه للكم
السطر الاول
سلسلة
حشو فى نفس الغرزة

حشو فى كل سطر من اسطر الحردة (35 سطر )
حشوفى الغرزة المنزلقةالتى شبكنا بها الكتفين
حشو فى اسطر الحردة الخلفية (36 سطر )
ونقفل دائرة الكم فى غرزة السلسة التى بدأنا بها بغرزة منزلقة

هنا الشغل لفات مش اسطر لان تكون عندنا دائرة
لفة 2
منزلقة فى اول حشو
3سلسلة كأنها اول عمود
فى نفس الحشو نشتغل الاتى (( عمود 2سلسلة 2 عمود ))

وتسمى صدفة وهى متضمنة ال3سلسلة التى فى البداية لان الصدفة سوف تتكون من ** 2عمود 2سلسلة 2عمود ** فى غرزة وهى بالمناسبة غرزة الجيبة

( نترك 2حشو
صدفة فى التالتة )
نكرر ما بين القوسين 5 مرات
**نترك 1حشو وصدفة فى الحشو التالية **
نكرر ما بين النجمتين 16 مرة
( نترك 2 حشو صدفة فى الحشو التالية )
نكرر مابين القوسين 6 مرات
نترك اخر حشو
نشبك بغرزة منزلقة فى سلسلة البداية

لفة 3الى لفة 8 حنكررفى كل سطر ما يلى
غرز منزلقة لتصلى للسلسلة التى فى وسط اول صدفة
تشتغلى 3 سلسلة عمود 2سلسلة 2 عمود
صدفة فى كل صدفة
ونهاية السطر نشبك بمنزلقة فى تالت سلسلة من سلاسل بداية اول صدفة

لفة 9
غرز منزلقة فى العمود وفى ال2 سلسلة التى فى وسط الصدفة فى تلك السلسلة نشتغل سلسلة و2 حشو
*نترك الاعمدة وفى السلسلة التىفىوسط الصدفة التالية نشتغل 2 حشو *
نكرر مابين النجمتين للاخر ونشبك بمنزلقة فى سلسلة بدايةالسطر

لفة10

سلسلة حشو فى كل غرزة
نشبك بمنزلقة
لفة 11
3سلسلة عمود فى كل غرزةنشبك بمنزلقة
لفة 12

سلسلة حشو فى نفس الغرزة
3سلسلة
* نترك عمود حشو فى التالى 3 سلسلة *
نكرر ما بين النجمتين 21 مرة
نشبك بمنزلقة
نتبت ونقص الخيط
والكم التانى نتبع نفس الطريقة

الى هنا يا جماعة فى اى صعوبة
اوتوضيح قبل ما ابدأ غدا انشاء الله فى باترون الجيبة ( التورة )
انا معكم طوال اليوم

جزاكي الله خير نونا

لي استفسار هل نوع الخيط يؤثر علي المقاس للفستان

جني عمرها في العيد حوال 7 شهور كيف يمكن اضبط الباترون بالعدد علي مقاسها

بمعني هل يمكن تكبير الباترون علي حسب مقاسها

و أي نوع خيوط يكون افضل بالنسبة لها ويكون نتيجته حلوه غير خيوط DMC

ان شاء الله بمجرد ما تنتهي من الترجمة سأشتري الخيط وانفذه فورا
شكرا

ما شاء الله
دى بنتك عروسة سنها ضعف سن الباترون

بس متهيألى مش حيكون فى مشكله فى المقاس
لان الفستان نفذ بخيط قطن رفيع وابرة استانليس رفيعة رقم 6 وطبعا كل ما زاد سمك الخيط وزادت الابرة بيفرق فى المقاس
ولو انت عملتيه بخيط صوف متوسط السمك وبابرة مناسبة له من الابر اللى لونها رمادى ومقاساتها من 1الى 5 لو اشتغلتى بابرة 3 او 3ونصف المقاس حيكون معقول
وانت حتعرفى اذا كان المقاس مناسب والا لا من اول ما تعملى سلسلة البدايه ال168 سلسلة فلو وجدتيها مناسبة كملى الاربع اسطر حشو الى فى البداية وقيسيهم وحاولى تقارنى المقاس بمقاس بنتك
يعنى احنا عندنا 36 سطر حيعملوا كام سم وهل الناتج حيناسب البنت من الوسط للكتف والا لا

واذا كان فى مشكلة شوفى اللينك ده

http://www.malekat.com/vb/showthread.php?t=16279

هو فى شرح مفصل شرحته اختنا سلمى المصريية بالصور لفستان الصدر فيه مثل الفستان الابيض بس بغرزة تانية
انما فى النهايه الشكل العام هو هو
وبصراحة بطريقة اسهل بكتير والشرح ما شاء الله وافى جدا جدا
ممكن تنفذيه
ونكمل الجيبة مثل الفستان الابيض ودى اسهل بكتير من الجزء العلوى للفستان

وان شاء الله اترجمها لك بكرة

اشكرك نونا لكن للاسف لم تظهر الصور