اتمنى كل وحده تقرأ موضوعي وتفيدني

السلام عليكم ورحمه الله وبركاته


عزيزاتي انا سجلت بالمنتدى لان من فتره وانا اقرأ ان كل وحده تطرح موضوع او مشكله والكل يتفاعل معها بالردود ومن خلال اختلاف وتعدد التفكير والنصائح تلاقي حل لمشكلتها ع الغالب..
مابطول عليكم واتمنى كل وحده تشوف موضوعي تنصحني او توجهني ..


انا صار لي متزوجه من 8 شهور تقريبا وانتوا عارفين بالذات المجتمع الخليجي اذا الوحده طولت بالحمل تكون نظرتهم لها غير ومحبطه..
المهم ان انا وزوجي مقتنعين قناعه تامه ان هالشي اراده من رب العالمين وهو يحبني ويهون عليي دايم لما اكون متفائله بكل شهر اني اكون حامل بس بالاخير تنزل لي الدوره وتنعفس حالتي النفسيه..
ورحنا وسوينا فحوصات ووضعنا الحمدلله تمام.
مشكلتي اللي بتكلم عنها ان اخو زوجي تزوج من 3 شهور تقريبا وزوجته حملت مااكذب عليكم ان اشتعلت نار الغيره بصدري وقد مااقدر ماابا ان الحقد والغيره تدش قلبي والله اني ادعيلها ان الله يثبت حملها ويوفقها ويرزقها لذه وفرحه احتضان جنينها
المشكله ياخواتي ان اهل زوجي تكدس كل اهتمامهم عليها وان هيه بتجيب لهم اول مولود بالعايله صار كل كلامهم عن هالحمل بكل وقت وبكل ساعه انا بداخلي اتعب نفسيا وماابا اشتكي حق زوجي ويفسرها غيره وحقد ولاا ابا اشتكي حق امي وازيدها همومي بعد
علموني خواتي كيف اتعامل مع هالوضع اللي كل يوم بزياده يزيد وماعندهم الا سالفه حمل زوجه حميي اللي هو اصغر من زوجي


والسموحه طولت عليكم