#٢
بعد كذا الخطوه الثانيه اللي هي: كل بعد يومين وقت العصر لان اغلب الناس العصريه فاضين ويجي بهالوقت ملل مو طبيعي استغلي هالوقت انك تتسبحين فيه . اشتري من ذا بودي شوب مجموعة استحمام بالرائحه اللي تحبينها واستخدميها مثل ماهو مكتوب خلف العلبه .. هذا المجموعة بتحمسك انك تتسبحين لان بروائح واااو وبتكبرين بعين نفسك لما تشمين هالروائح منك وتخليك ودي كل يوم تتسبحين . ثالث شي ؛ روحي لاهلك اربع ايام او ثلاث يعني بالمختصر ابعدي عن زوجك عشان تسوين تتغير يفاجئه . روحي للمشغل وغيري صبغة شعرك وسوي بديكير ومنكير ولما ترجعين للبيت سوي حمام مغربي وافركي جسمك عدل . ويوم خصصيه لسوق روحي واشتري قمصان نوم حرير وبجايم ناعمه وشورتات وفساتين قصيره وجزم فلات وكعب وسبورت واشتري شنط يد باحجام مختلفه . اذا بتقولين ماعندي ذوق وماعرف من وين اشتري . روحي لمحلات الماركات البسيطه زارا واتش ام واللي مثلهم . بالنسبه للميك اب انصحك تشوفين باليوتيوب تكتبين ميك اب بسيط وكذا . واهم شي تعرفين اسماء ادوات المكيااج اسماء الفرش ولايش تستخدم ومثل كذا . اما اذا كنتي بالبيت بس انتي وزوجك اذا كانت بشرتك مو خربانه يعني مافيها حبوب استخدمي البيبي كريم ومسكرا وروج لونه خفيف وناعم .. وشعرك اهم شي لازم تكون ريحته جميله بخريه وحطي خمريه الشعر ريحتها خفيفه فيه خمريات تقلب الكبد بريحتهاا القويه .#يتب

#٣
لما ترجعين لزوجك بعد هالتغيير اللي سويتيه لاتحسسينه ان هالتغيير عشانه او عشان خايفه انه تزوغ عينه لغيرك ويدور فيها اللي مالقاه فيك . قولي له انه انا حابه اشوفي نفسي كذا غيرت من نفسي لنفسي . بتقولين وش الفايده من هالحركه الرجل مو مثل المرأه . لو جاء رجل لمرأه وقال لها تغيرت عشانك بتطير من الفرحه ويكبر بعينها اما الرجل اذا جاته المرأه وقالت له تغيرت عشانك بيحس انك قمه في الضعف تبحثين عن نقاط تقويك واللي هي لفت نظر زوجك .. وبعايرك دايم انك كنتي هالشكل وصرتي بهالشكل عشاااانه . لاكن اذا كان التغيير عشان نفسك والله بتكبرين بعينه وبيشعر انك قويه .. واتمنى اني افدتك اختي واهم شي زي ماقلت لك النظافه من الايمان مو عشان فلان ولا فلانه عشان نفسك .. اذا افدتك اتمنى انك تدعين لي بان الله يرزقني الزوج الصالح ويسر اموري ويفك من ضيقتي وهمي الملازم لي ..