اتنازل لها واعتذر

السلام عليكم
هذي اخت زوجي الصغيرة من اول ماتزوجنا وهي مبلشة شغل الغيرة والحسد والكلام الفاضي
وعانيت منها ومن كلامها الزايد وخفة عقلها
وموضوعها الدائم ان زوجي بيتزوج علي وهي تحارقني فيه وانااكلم زوجي وهو يحلف ويقولي مافي شي من هالكلام ومستحيل اسويها واتزوج مرة ثاني
بس اخر فترة خلاااص ماقمت اتحملها صرت ارد الصاع صاعين لها
بهذا الشهرين بالضبط صارت مشاكل بيني وبينها بالهبل شي ينقال وشي ماينقال ووصلت اني تضاربت معاها عشان موضوع الزواج ودعيت عليها قلت لها جعل زوجك يتزوج عليكي ويسوي حفلة وانا اول من يرقص فييها وقعدت تعصب وتصرخ فيني قلت لها هااا مارضيتيها على نفسك ترضيها علي
وماهجدت الين اخوها عصب عليها وهددها في حال فتحت الموضوع ثاني
اخر شي قبل اسبوعين في سلفتي سورية وتشتغل كوافيرة
اتصلت عليها وكانت هذي عندها وكلمتها اني بجي لبيتها تسويلي شعري عشان عندي مناسبة
راحت قطت نفسها وصوتها يوصل عندي
رحت فصلت من سلفتي واتصلت عليها اقولها وش تبغي انتي
قالت لي وش ذنب المخلوقة تكرف لك ولشعرك روحي مشغل او روحي مناسبتك بشعرك الخشن وريحتك الخايسة وفصلت بوجهي
مع انها هي واخواتها البنات وبناتهم كل اسبوع كاسرين ظهر المخلوقة صبغات وتشقير ومناكير ببيتها حتى اخوهم مايرتاح ببيته من كثر مو ناشبين للمخلوقة هي واخواتها وبنات عمهم يجيبو العائلة كلها وتشتغل لهم ببلاش
ويوم كلمتها انه مايصير تسوي بالمخلوقة كذا راحت تتهمني اني افرق بين العائلة عند اهل زوجي وزوجي يجيني منتفخ علي وعلت اصواتنا الين شال عقاله وكان بيجي يضربني فيه واهل زوجي قاطعوني بسبب هالموقف
امس تقابلت معاها بحفلة تخرج بنت اخوها
وقعدت تقط لي كلام ماينسمع وانا رديت عليها واليوم اشتكت لزوجي وهو مو ناقص اصلا وجاني معصب ويسب فيني وفيها ويصرخ علي والا يبغاني اعتذر منها ومن اخواته وامه وانا مو مسوية شي
وبعدها يكلمني بالرواق ويقولي عشاني اعتذري منها
قلتله خلاص برسل لها وبعتذر قال لااا الا نزورهم واصالحك وتصفى القلوب وتجيبي لها هدية وتعتذري ومصمم على كلامه ويبغاني نروح لهم يوم الخميس