اتوظفت في مكان مهجور ،،،،ورجعت البيت بمس

السلام عليكم ،،،،،رغم ان الموقف لها يمكن اربع سنين ،،،بس بحذركم يابنات لو جاتك وظيفه وانتي في عز أزمتك وكنت خايفه من المكان او بعيد عن بينكم وماعندك سيارة اتركي الوظيفه وربي يعوضك ،،،،انا من مكه والوظيفه في حي راقي كله فللا قدام الإسكان المهجور من سنين ،،،بس حاليا مو مهجور المهم ،،،،الوظيفه في عمارة حارس امن وتكون الموظفة جالسه عند الباب اي احد يجئ هي المس وآله تفتح الباب وتكتب اسمه ،،،،يعني تخيلي والدوام شفتات ليل وصبح ومسا وانا كنت في شفت المسا يعني من 4عصر الين 11ليل ً،،اصلن الحي من يوم يدخل المغرب يخوف ويصير مفزع مانسمع غير صوت السيارات والأشجار الي يصفقها الهوا ،،،متخيلين الوضع وانتي تكوني وحدك جنب باب الشارع ،،،،حسبي الله ونعم الوكيل ،،،الله لايحوج احد ،،،،انا كنت وقتها توني متخرجه من الكليه ومالقيت وظيفه والوظيفه دي مقدمه عليها من سنتين على أساس حراسه امن في مستشفى الولادة،،،،،،المهم نرجع للقصه الي صارت ،،،،تعرف معنى قمه الخوف وانتي جالسه في مكان زي كدا ،،،المهم انا يدوب دوامت لثالث ايام واليوم الرابع اعتقد يوم رجعت البيت وانا منهارة من الخوف احس فيني شي مو طبيعي ،،،،بعمري هذا روحت نمت في الغرفه مع امي وأبوي وأهلي كان وحاسين بخوف وقلقانين عليا ومايناموا الين ارجع المهم نمت حظيت راسي وفي الغرفه في شباك يطل على الشارع ،،،،وانا نايمه اسمع أصوات في آذاني وخايفه بس مو قادرة أتحرك والأصوات غريبه زي كان صوت ناس يتكلموا في برميل حديد او خزان ،،،لان افتكر واحنا صغار نصر خفي البرميل عشن الصوت يتغير يعني نلعب ،،،،والصوت الي كنت اسمعه أصوات ناس كتيرين كأنهم يسولفون وكل ماله يزيد وابغى أتحرك وابغى أتكلم مو قادرة شوي حسيت في رجل فوقي والله احساس مخيف جالسه إضرابه ابغى يقوووم مو قادرة ولا قادرة أتكلم بعد دقائق صرخت وامي وأبوي صحيوا ،،،،المهم قلت لي أبوي في رجل الا شوي باب الغرفه اتفتح احد خرج وأبوي قام جري جري ولف البيت كلهم نائمين ،،،،والله والله احد فتح الباب وخرج ،،،،بسم الله الرحمن الرحيم ،،،،امي سمت عليا وقرأت ،،،طبعا من بعدها ماطبيت العمل ولإعاد كلمتهم ،،،،امي تقولي اصلن من يوم رجعتي وجهك منفوخ وشكلك متغير ،،،،،ترا يمكن تقوله جاثوم ،،،لا مو جاثوم ،،،،بسم الله علينا ،،،،جلست فترة تعبانه والحمد لله ربي شافني ،،،،،يابنات نصيحه لوجه الله ويا امهات لا تغلطوا غلطتي ،،،،،وكمان افتكر من غلطاني ايام الكليه كان عندي تطبيق والأسواق الي يوصلني المدرسة يجيني بعد الفجر مباشر يعني أوصل المدرسة خمسه وشوي وادخل المدرسة فأضيه وانا من غبائك اطلع فوق الدور الثالث وأعقد في غرفتنا ،،،،والله لم افتكر ذلك الايام اندم أقول كنت اعرض نفسي للخطر ،،،،الله يحفظنا ويأكم