اجمل تجربه في حياتي

السلام عليكم ورحمة الله وبركاته
بما اني من زماااااااااااااااان ماكتبت لكم , جيت الان اكتب لكم عن شخصيه عجيبه نادره وهي قريبة زوجي والله يابنات في حياتي ما اذكر شفت زيها ..
المهم باسميها (سميه) طبعا مش اسمها الحقيقي لكن عشان تفهمون علي وانا اسولف لكم عنها..
بنات والله من اول ماشفتها ارتحت لها نفسيا وحبيتها الغريب اني لقيت الكل حس نفس احساسي وكلهم يقولون من اول ماشفنا سميه حبينها وحسينا كأننا من زمان نعرفها , عمرها 28 سنه , ماعندها خوات , ورغم كذا سعيده جدا بعد ما اخذت راحتي معها وصرنا صديقات روح بروح قلت لها ياسميه اصدقيني القول ماتحسين ان نفسك يكون لك اخوات تفضفضين لهن وتضحكين معهن وتبادليهن المشاعر والاسرار؟؟
قالت لي بعد ضحكه طويله: والله كنت احس كذا بالابتدائي فقط اما الان فلا ..
حرام اكذب عليك واقولك الا نفسي بأخوات , انا ألغيت هذي الفكره من بالي من دخلت المتوسط , انا سعيده في حياتي , لو لي اخوان او خوات يمكن تكثر سيئاتي بغيبه او نميمه او تكثر علي المشاكل والارتباطات اللي بعضها ماله داعي (بالاول كذبتها لكن احلفت لي وانا والله ماسبق شهدت عليها بزله وهذا رائي انا وكل من عرفها , اعجبتني قناعتها ياليتنا زيها نقنع بالموجود ونفرح فيه ومانشغل بالنا بالناقص )
في يوم من الايام كنت جالسه ادور على خلطه للبشره عشان بشرتي حبوب وحفر ومسام ونقط سوداء على خشمي وبشرتي دهنيه حيل من الاهمال , لاني اذا شفت غيري يهتم تشجعت واهتميت واذا غيري اهمل اهملت المهم قلت خليني القى لي خلطه حلوة واقول لسميه حرام ماعندها احد يعلمها ويشجعها :glotz: .
بصراحه الدافع الاساسي لي اني القى احد يشجعني ومنها افيد واستفيد ,رغم والله بشرتها تجنن ماشاء الله تبارك الله وشعرها احلى من زينب العسكري جمال وطول وكثره وغير وغير ماشاء الله تبارك الله , انا توقعت ان جمالها كذا من الله بدون جهد منها :biggrin:
اتصلت عليها وقلت لها سميه تفهمين في الخلطات البشره والشعر والا لا؟؟(انتظرها تقول لا :nerd: عشان اشرح لها:biggrin: عندي ابداع غريب ودي اعطي الغلابا )
المهم قالت ايه , قلت طيب متى اخر مره حطيت خلطه قالت توي الان غسلت وجهي منها ,ياناس انا صار شكلي كذا :icon810: كنت اتوقع محد يعرف غيري خخخخخخ
سألتها سؤال جوابه صار زي الصاعقه على راسي اقسم بالله حسيت اني قد النمله ولسه بقولكم اشياء اقسم بالله احس نفسي امامها قد النمله :06: سألتها من يشجعك على الخلطات قالت والله انا اشجع نفسي بنفسي عندي نظام امشي عليه عشان احافظ على جمالي وازداد جمال بعد (بنات انا حسيت اني قد النمله لاني ماسوي شي الا بتشجيع لازم من خواتي من صديقاتي لازم احد يشجعني وهي عكسي ...اممممم يمكن انتم مو فاهمين احساسي لانكم مش في مكاني )
المهم في يوم جالسين نسولف قلت في خاطري انا من عرفتها وملابسها تعجبني وشغلها كله يعجبني ماسبق لقيت عليها نقد خلني اتعلم منها يمكن افلح بشي واصير سنعه والكل يتمنى يصير مثلي زي ما انا اتمنى اصير مثلها..
قلتها سميه ملابسك واكسسوارتك دايم تعجبني ماشاء الله عليك انت تشترينهم من اي سوق قالت لي والله مالي سوق معين واصلا ماني من النوع اللي يشتري الماركات بس فيه حاجه اسويها دائما واعدها سري العجيب قلت وش؟؟ قالت اول شي قبل اطلع من البيت اشتري لبس احط في بالي اللبس هذا لازم يكون مميز عن الغير بأنه يكون مرضي لله ولاني احتمال اروح لربي وانا لابسته ما احد يعرف ساعته عشان كذا لازم نكون متجهزين زي الضيف ماتدري في اي ساعه يدخل عليك لازم تكون متجهز وفيه حاجه متعودة اسويها قبل اطلع كمان وهي اني استخير في امر شرائي يعني وش اللي بشتريه..
استفدت منها وحبيتها حسيتها اختي , ماشاء الله رقدت عندهم كم يوم بسبب ظروفنا , بنات ماشاء الله ترقد بدري والساعه 2 تماما تقوم الليل (يا الله ياليت همتنا عاليه مثلها ماشاء الله تبارك الله )
من عرفتها والله ماشهدت عليها كذب او قولة فلانه قالت وفلانه سوت , اخلاقها عسل عسل الله يبارك لها ,تبون تعرفون وش نسولف او بالاصح وش سوالفها؟؟
تسولف عن الطبخ وعن البرامج الدينيه او عن الاخبار فقط , اما سوالف عن الناس في حياتي اذني ماسمعتها ..
والله يابنات رغم طيبة قلبها بس فيه ناس نجسين معادينها حسبي الله ونعم الوكيل يضايقونها بالكلام الصريح يقولون خلها تطفش خلها تطلع شخصيتها الحقيقيه خلها وخلها استغفر الله العظيم ..
المهم والله يابنات الناس العدوين هذولي والله انا اعرفهم, الله بلاهم بمصيبه الله يحفظنا والله لما جاءها الخبر ماتشمتت فيهم بالعكس راحت تستغفر الله وتدعيه يعني حتى الفرح مافرحته فيهم ..
بتقولون ماراح تعلم الانسان يكتم بقلبه , لا يابنات هي غير اقولكم يابنات الانسان اذا احد غلط عليه يوصل حد معين ثم ينفجر صح؟؟
هي وقت احد يضايقها ترد رد بسيط لكن مسكت وهذا اذا دل دل على حكمتها وذكائها بعد ما الموقف ينتهي وكلن يرجع بيته تروح تتوضى وتصلي تدعي وتقول اللهم لاتجعل في قلبي كرة لاحد ..
سألت امها قالت والله يابنتي هذا طبع بنتي ..
بنات انا ماني قاعده اتكلم عن شي سمعته , لالالالا انا اتكلم عن شي عشته وشفته بنفسي , انا اضطريت اعيش عندهم فتره بس والله يابنات انا عرفت معنى السعاده وعشتها ايام ماتتعوض..
بتقولون مصيرها تمرض نفسيا بسبب تراكم المواقف السلبيه , انا نفسكم جاء في بالي كذا ..\
بس والله يابنات لا ماجاها مرض نفسي ولا تراكمات ولا شي كيف؟؟ الدعاء هي مجرد ينتهي الموقف على طول توضى وتصلي وتدعي : ربي لا تجعل في قلبي كره لاحد وخلاص تاخذ فكره ع هذا الشخص انه غير مأمون او عدو من دون ماتشيل في خاطرها ..
هههههههه ادري طولت عليكم بالسوالف بس بقول حاجه تذكرتها الحين جدا حلوه عجبتني استفدها منها واتمنى انها تفيدكم , لقيت عندها دفتر فوائد مرة حلو منوع هو يعني ماسكات بشره وشعر واعشاب وامور طبيه ودين هيك يعني قلت لها وش سالفته ذا ؟ قالت لي انا ادوم على الفائده الوحده مثلا شهر يعني مثلا امشي على العشبه لو الفائده عن عشبه امشي عليها شهر او حتى شهرين مو مهم اني اعمل كل اللي في الدفتر ,لا المهم اني استفيد من الفوائد اللي اعملها مايصلح يوم او اسبوع لازم شهر او شهرين عشان اكون حللت الفائده صح.
طبعا خلاص بفضل الله انتهى ظرفنا وطلعنا من عندهم واستفدت فوائد عمري ما استفدتها من اهلي بصراحه يعني (مش مسبه في اهلي بس الحق يتقال)
تمنيت عندها جوال فيه واتس اب بس هي كانت رافضته تماما تقول حدي جوال كاميرا عادي الواتس هذا بيسرق قلبي ووقتي وانا ابي قلبي لله بس , ما ابي احد يشارك ربي في قلبي ودائما تقول (وما خلقت الجن والانس الا ليعبدون ) والله يابنات ادخل عليها مرات وهي لوحدها الاقيها تكرر الايه هذي..
هذي الشخصيه اللي اعجبتني وحبيت انكم تشاركوني تجربتي الجميله ..
واسفه على الاطاله..