كيفكم بنات ان شاء الله تمام
اشتقت لمنتدانا الغالي من زمان عنه
بدون مقدمات وكثر كلام انا جايتكم بطرق لو تتبعينها باذن الله بتتغيرين بنسبة كبيرة يوم العيد من عناية داخلية وخارجية من ناحية الريجيم لاتفكرين الا باجمل نظامين ممكن تتبعينها اللي هي النقاط او السعرات كلها نفس الفكرة بس الاختلاف في طريقة الحساب عني انا افضل السعرات واللي اكلها كثير تبدا بالنقاط ثم تكمل على السعرات اذا تبي
ميزة النقاط ان فيه خضار كثير يعني بوقت ماتجوعين تاخذين لك صحن خضار مسلوقة بدون بطاطس او صحن سلطة يكون عدد النقاط فيه صفر
اللي بيميزنا في تجمعنا انه بيكون يفرق عن التجمعات الثانية لاننا بنهتم بكل الجهات جسم وشعر وبشرة وصحة وباشياء بسيطة وسهلة وراح يكون فيه متابعة يومية والزام بكتابة اليوميات والانجازات وبنتبع الجدول اللي بحطه ومو لازم نفسه تقدرين تضيفين عليه اشياء بس ماتغيرين في الاشياء الاساسية اللي هي الريجيم والمشي والماء
الجدول اللي بنبداه راح يكون كالتالي :
وباذن الله لو بنلتزم بهذا الجدول راح يكون شكلنا جميل وملفت لاتقولين انا سمينه مايمدي لاوالله بالعكس يمدي بالراحة لو تخفين ٣٠٪ من الوزن الزايد بيفرق معك مررة وبتلاحضين التغييرات على بشرتك وشعرك
مشروب النظارة :
حبة برتقال وحبة جزر وحبة شمندر وحبة تفاح اخضر وبالخلاط واشربيه وبالعافية
بخاخ الاعشاب الروعه عن تجربة ينبت شعر جديد ويكثف :
حفنة من كل من :
اكليل الجبل و ورق الاس وسنبلة الريجان و بابونج و زعتر بري وتصبين عليها كاسين ماء مغلي وتخلينه يخمر ثم اذا برد حطيه ببخاخ واحفظيه بالثلاجه وبخي منه كل صباح
* بالنسبة يابنات للرموش ماتكثرون الزيت فقط مسحة خفيفة وخارجي او فضي علبة مسكرة وحطي فيها الزيت ويوميا استخدميه
مشروب الكركم : رائع لتنظيف الكبد وبالتالي يصفي ويبيض البشرة
كركم طازج وزنجبيل طازج تلقينه بالتميمي او الدانوب تبشرينها كلها وتخلطينها بعصير ليمون وتفرزنينه في مكعبات الثلج او تحفظينه في علبة زجاجية وكل يوم خذي مكعب او ملعقة من العلبة وصبي عليه ماء مغلي واشربيها مرة في اليوم
بالنسبة لافضل مرطب لليدين كريم جليسوليد مع ليمون واذا حابة ضيفي زيت اللوز الخاص بالبشرة
للجسم : جلسرين سائل نص العلبة مع ليمونتين وربع العلبة زيت لوز وفنجال ماء ورد يومياااااا
راح يكون البيانات المطلوبة كالتالي :
الاسم :
الطول:
وزن البداية:
الهدف الاول :
الوزن بعد الاسبوع الاول
والتوفيق ياجميلات